शेंदुरजनाघाट शहराच्या नवनिर्वाचित नगराध्यक्ष सुवर्णा वरखेडे आणि नगरसेवकांनी गुरुवारी पदाची सूत्रे स्वीकारली. नगर परिषद सभागृहात यासाठी विशेष कार्यक्रम आयोजित करण्यात आला होता. पदभार स्वीकारल्यानंतर झालेल्या पहिल्याच भेटीत त्यांनी विकासात्मक मुद्द्यां
.
पदभार स्वीकारण्यापूर्वी, नवनिर्वाचित नगराध्यक्ष सुवर्णा वरखेडे आणि सर्व नगरसेवकांनी डॉक्टर भदंत आनंद कौशल्यांन बुद्ध विहारात डॉ. बाबासाहेब आंबेडकर आणि महात्मा ज्योतिबा फुले यांच्या प्रतिमेला पुष्पहार अर्पण केला. त्यानंतर ढोल-ताशांच्या गजरात त्यांनी नगर परिषदेत प्रवेश केला. मुख्याधिकारी आणि इतर अधिकारी-कर्मचाऱ्यांनी त्यांचे औक्षण करून पुष्पवृष्टीने स्वागत केले.
नगर परिषद सभागृहात पोहोचल्यावर छत्रपती शिवाजी महाराज आणि डॉ. बाबासाहेब आंबेडकर यांच्या प्रतिमेला पुष्पहार अर्पण करून पूजन करण्यात आले. माजी नगराध्यक्ष सुरेंद्र आंडे यांनी कार्यक्रमाचे अध्यक्षस्थान भूषवले, तर नगर परिषदेचे मुख्याधिकारी गजानन भोयर प्रमुख उपस्थित होते. मुख्याधिकारी भोयर यांनी अध्यक्ष सुरेंद्र आंडे आणि नगराध्यक्षा सुवर्णा वरखेडे यांचा शाल व वृक्ष भेट देऊन सत्कार केला. सर्व नवनिर्वाचित नगरसेवकांचे स्वागत नगर परिषद कर्मचाऱ्यांनी केले. मुख्याधिकारी गजानन भोयर यांनी प्रास्ताविक केले. यावेळी नवनिर्वाचित नगरसेवक पिंटूभाऊ सावरकर, संदीप खडसे आणि नीलिमा कुबडे यांनीही आपले मनोगत व्यक्त केले.
कार्यक्रमाचे सूत्रसंचालन नगर परिषदेचे प्रकल्प अधिकारी विलास आठवले यांनी केले, तर समुदाय संघटक उमेश मोरे यांनी आभार मानले. याप्रसंगी बांधकाम अभियंता दयानंद डेहनकर, संगणक अभियंता विनय मालधुरे, पाणीपुरवठा अभियंता सोनाली खडेकर, बांधकाम लिपिक दीपक दवंडे, तसेच कार्तिक होले, महेश पोटे आणि केशव वंजारी यांच्यासह अनेक मान्यवर उपस्थित होते.
