मुंबईच्या राजकारणात पुन्हा एकदा मोठी खळबळ उडाली असून शिवसेना नेते आणि राज्याचे उपमुख्यमंत्री एकनाथ शिंदे यांनी शिवसेनेचे माजी आमदार दगडू सकपाळ यांची घेतलेली भेट सध्या प्रचंड चर्चेचा विषय ठरली आहे. परळ-लालबाग परिसरातील राजकीय समीकरणांवर या भेटीचा नेमक
.
या भेटीनंतर स्वतः उपमुख्यमंत्री एकनाथ शिंदे यांनी प्रतिक्रिया देताना ही केवळ सदिच्छा भेट होती. दगडू सकपाळ यांची तब्येत खराब होती त्यामुळे त्यांची विचारपूस करण्यासाठी आलो होतो असे स्पष्ट केले. मात्र, शिंदे आणि सकपाळ यांची भेट सार्वजनिक होताच राजकीय चर्चांना वेग आला. विशेषतः परळ-लालबागसारख्या संवेदनशील आणि शिवसेनेचा बालेकिल्ला मानल्या जाणाऱ्या भागात या भेटीमुळे मोठा राजकीय भूकंप होणार का, अशी चर्चा रंगू लागली आहे. या पार्श्वभूमीवर दगडू सकपाळ यांनी आपली मनोवेदना मोकळेपणाने व्यक्त केली. म्हातारा झाल्यावर माणसाची गरज संपते, या शब्दांत त्यांनी आपल्या नाराजीला वाट करून दिली. पक्षासाठी आयुष्यभर काम करूनही आज आपल्याला बाजूला सारण्यात आल्याची खंत त्यांनी व्यक्त केली. विशेषतः आपल्या मुलीला नगरसेवकपदाची उमेदवारी न दिल्यामुळे ते अधिक भावनिक झाले. बोलताना त्यांच्या डोळ्यांत अश्रू तरळत होते आणि त्यांचा आवाजही अनेकदा भरून येत होता. दरम्यान, सकपाळ यांच्या वक्तव्यानंतर ठाकरे गटाकडून अजूनतरी कुठलीही प्रतिक्रिया आली नाही.
ऐन निवडणुकीत उबाठाचे मानखुर्द येथील माजी नगरसेवक वाघमारे शिंदेसेनेत दाखल
मुंबई | निवडणुकीच्या तोंडावर उद्धव ठाकरे गटाला मानखुर्दमध्ये मोठे खिंडार पडले आहे. प्रभाग क्रमांक १३९ चे माजी नगरसेवक राजेंद्र वाघमारे आणि त्यांच्या पत्नी माजी नगरसेविका सुजाता वाघमारे यांनी बुधवारी रात्री मुख्यमंत्री एकनाथ शिंदे यांच्या उपस्थितीत शिवसेनेत जाहीर प्रवेश केला. “नंदनवन’ या शासकीय निवासस्थानी झालेल्या या सोहळ्यात शिवसेना मुख्यनेते एकनाथ शिंदे आणि सरचिटणीस राहुल शेवाळे यांनी वाघमारे दांपत्याचे स्वागत केले. राजेंद्र वाघमारे (२००२-०७) आणि सुजाता वाघमारे (२००७-१२) यांनी मानखुर्द परिसरात दीर्घकाळ नगरसेवक म्हणून काम केले असून त्यांच्या प्रवेशामुळे या भागात शिवसेनेची (शिंदे गट) ताकद वाढली आहे.
नाराजीचा आणि शिंदेंचा संबंध नाही : सकपाळ
मी नाराज आहे, पण या नाराजीचा आणि एकनाथ शिंदे यांचा काहीही संबंध नाही. त्यांनी स्पष्ट शब्दांत सांगितले की, आपण कुणाच्याही भेटीला आलेल्या व्यक्तीला घराबाहेर काढू शकत नाही. महाराष्ट्राचा उपमुख्यमंत्री माझ्या घरी आला त्यामुळे त्यांना बाहेर काढणं शक्य नव्हतं, असे त्यांनी सांगितले. मात्र, आपल्याला ज्यांनी घडवलं, बाळासाहेब ठाकरे आणि उद्धव ठाकरे यांनी मोठं केलं, त्यांच्यापासून आपण आज दूर कसे झालो, हा प्रश्न त्यांना सतावत असल्याचे त्यांनी भावनिक शब्दांत मांडले.
