एकेकाळी कांद्याची विक्री करण्यासाठी वैजापूर तालुक्यातील शेतकऱ्यांना अंदरसूल, येवला, राहाता, घोडेगाव, नाशिक बाजार समित्यांचा आधार घ्यावा लागत होता. मात्र आता वाढती आवक, व्यापाऱ्यांमधील स्पर्धा, पारदर्शक लिलाव आणि विक्रीनंतर तात्काळ मिळणारे पेमेंट या कारणांमुळे वैजापूर बाजार समिती कांदा उत्पादकांचे विश्वासाचे माहेरघर बनत आहे. जून महिन्यात १५,७७४ शेतकऱ्यांनी २,२२,३३९ क्विंटल कांद्याची विक्री केली. या व्यवहारातून २५ कोटी ४६ लाख ४३ हजार ५१ रुपयांची उलाढाल झाली, तर समितीला २६ लाख ७३ हजारांचे उत्पन्न मिळाले आहे. प्रतिक्विंटल १,२०० ते २,४०० दर मिळाल्याने शेतकऱ्यांमध्ये समाधानाचे वातावरण आहे. दररोज वाढणारी आवक आणि व्यापाऱ्यांची संख्या पाहता वैजापूरची बाजारपेठ आता केवळ तालुक्यापुरती मर्यादित राहिलेली नसून मराठवाड्यातील प्रभावी कांदा व्यापार केंद्र म्हणून पुढे येत आहे. पारदर्शक समितीकडे अधिक कल आहे. लिलाव, विक्रीनंतर तात्काळ पेमेंटमुळे शेतकऱ्यांचा कांदा विक्रीसाठी येत आहे. तत्काळ पेमेंटमुळे फायदा Ãपूर्वी कांदा विकण्यासाठी बाहेरच्या बाजार समित्यांमध्ये जावे लागायचे. त्यामुळे वाहतूक खर्च आणि वेळ दोन्ही वाया जात होते. आता वैजापूर बाजार समितीतच चांगला भाव, पारदर्शक लिलाव आणि तत्काळ पेमेंट मिळत असल्याने आमचा मोठा फायदा होत आहे. – अशोक वेळजकर, शेतकरी जूनमधील कांदा व्यवहार .कांदा विक्री करणारे शेतकरी : १५,७७४ .एकूण कांदा आवक : २,२२,३३९ क्विंटल .एकूण उलाढाल : २५,४६,४३,०५१ .बाजार समितीचे उत्पन्न : २६,७३,७५६ .किमान भाव : १,२०० प्रतिक्विंटल .कमाल भाव : २,४०० प्रतिक्विंटल .दररोज सरासरी आवक : ७,४११ क्विंटल .दररोज सरासरी व्यवहार : सुमारे ८४.८८ लाख .सरासरी मिळणारा दर : १,२०० रु. क्विंटल बाजारपेठेचा विस्तार Ãवैजापूरची बाजारपेठ मराठवाड्यातील प्रमुख कांदा बाजारपेठ म्हणून विकसित करण्याचे आमचे उद्दिष्ट आहे. शेतकऱ्यांना योग्य भाव, जलद लिलाव आणि तात्काळ पेमेंट मिळावे यासाठी सातत्याने प्रयत्न सुरू आहेत. व्यापाऱ्यांना आकर्षित करून बाजारपेठेचा विस्तार केला जाईल. – कल्याण पाटील दांगोडे, सभापती, बाजार समिती
कांद्याचे माहेरघर बनतेय वैजापूर:एका महिन्यामध्ये 25.46 कोटी उलाढाल, जूनमध्ये 15,774 शेतकऱ्यांकडून 2.22 लाख क्विंटल कांदा विक्री
