आगामी महापालिका निवडणुकीच्या पार्श्वभूमीवर सर्वत्र राजकीय प्रचार सभा सुरू आहेत. येत्या 15 जानेवारी रोजी मतदान होणार असून 16 तारखेला निकाल जाहीर होणार आहे. राजकीय नेत्यांनी एकमेकांवर टीका टिप्पणी सुरू केली असून दुसरीकडे अर्ज मागे घेण्याच्या शेवटच्या द
.
नवी मुंबईतील प्रभाग क्रमांक 17 (अ) मधून भाजप उमेदवार नीलेश भोजने यांना न्यायालयाने मोठा दिलासा दिला आहे. कारण निवडणूक आयोगाने त्यांचा उमेदवारी अर्ज फेटाळला होता. त्या संदर्भात त्यांनी न्यायालयात धाव घेतली होती. याच प्रकरणी न्यायालयाने येथील निवडणुकीला अंतरिम स्थगिती दिली असून येत्या शुक्रवारी पुन्हा सुनावणी होणार आहे.
भाजप उमेदवार नीलेश भोजने यांच्या मालमत्तेवर अनधिकृत बांधकाम असल्याने महाराष्ट्र म्यूनिसिपल कार्पोरेशन कायद्याच्या कलम 10(1ड) अंतर्गत भोजने यांचा उमेदवारी अर्ज फेटाळला होता. मात्र, येथील निवडणूक निर्णय अधिकाऱ्याने प्रथमदर्शनी बेकायदेशीर आणि मनमानी पद्धतीने अधिकारांचा वापर केल्याचे निरीक्षण नोंदवत मुंबई उच्च न्यायालयाचे भाजप उमेदवार निलेश भोजने यांना दिलासा दिला. त्यानुसार, पुढील आदेश येईपर्यंत निवडणुकीला स्थगिती देण्यात आली आहे.
नवी मुंबईत 117 अर्ज अवैध
दरम्यान, नवी मुंबई महानगरपालिका निवडणुकीसाठी सर्व प्रभागांतील उमेदवारांच्या नामनिर्देशन पात्रांची छाननी प्रक्रिया बुधवारी पूर्ण झाली असून 839 अर्ज वैध ठरले, तर 117 अर्ज अवैध ठरले आहेत. एकूण 956 नामनिर्देशन अर्ज दाखल झाले होते. नेरूळ विभागात सर्वाधिक 28 अर्ज अवैध ठरले असून घणसोली विभागात तब्बल 39 अर्ज बाद झाले आहेत.
