हिंगोली शहरालगत औंढा रोडवर स्थानिक गुन्हे शाखेच्या पथकाने एका वाहनातून ३ लाख रुपये किंमतीच्या गुटख्यासह ७.९० लाख रुपयांचा मुद्देमाल जप्त केला आहे. या प्रकरणी दोघांवर सोमवारी ता. १२ पहाटे हिंगोली शहर पोलिस ठाण्यात गुन्हा दाखल झाला आहे. या प्रकरणात एका
.
पोलिसांनी दिलेल्या माहितीनुसार, हिंगोली शहरासह जिल्हाभरात अवैध व्यवसायाचे उच्चाटण करण्यासाठी पोलिस विभागाने मोहिम हाती घेतली आहे. यामध्ये गुटखा, जुगार अड्डे, मटका अड्डे यांची माहिती घेऊन छापे टाकले जात आहेत.
दरम्यान, औंढा नागनाथ मार्गावरून एका कार मध्ये गुटख्याचे पोते आणले जात असल्याची माहिती स्थानिक गुन्हे शाखेच्या पथकाला मिळाली होती. त्यावरून पोलिस अधिक्षक निलाभ रोहन यांच्या मार्गदर्शनाखाली गुन्हे शाखेचे पोलिस निरीक्षक मोहन भोसले, जमादार शेख जावेद, महादू शिंदे, किशोर सावंत, सतिष जाधव यांच्या पथकाने रविवारी ता. ११ रात्री आकरा वाजल्या पासून औंढा नागनाथ मार्गावर वाहनांची तपासणी सुरु केली होती.
दरम्यान,रात्री साडे आकरा वाजण्याच्या सुमारास एक कार आल्यानंतर पोलिसांनी कार चालकाला थांबवून चौकशी सुरु केली. मात्र पोलिसांना पाहताच कार चालकाला समाधानकारक उत्तरे देता आली नाही. त्यामुळे संशयावरून पोलिसांनी कारची तपासणी केली असता कारमध्ये खाकी रंगाच्या सहा पोत्यामध्ये केसरयुक्त विमल पान मसाला तसेच दुसऱ्या सहा पोत्यांमध्ये व्हि एक तंबाखूचे पुडे असा २.९० लाख रुपयांचा गुटखा आढळून आला. पोलिसांनी गुटख्याची पोती व कार असा ७.९० लाखांचा मुद्देमाल जप्त केला आहे.
या प्रकरणी जमादार महादू शिंदे यांच्या तक्रारीवरून मोहम्मद नदीम (रा. देगलुर नाका नांदेड), शेख सिकंदर शेख मुजीब (रा. महादेववाडी हिंगोली) यांच्या विरुध्द सोमवारी ता. १२ गुन्हा दाखल केला आहे. पोलिसांनी मोहम्मद नदीम यास ताब्यात घेतले असून शेख सिकंदर याचा शोध सुरु असल्याचे पोलिसांनी सांगितले. पोलिस उपनिरीक्षक राहुल महिपाळे, जमादार अशोक धामणे, संजय मार्के, शेख मुजीब, संतोष करे, गणेश लेकुळे, शंकर ठोंबरे यांच्या पथकाने शोध मोहिम सुरु केली आहे.
नांदेड मार्गे आणला जात होता गुटखा
पोलिसांनी कार चालक मोहम्मद नदीम याची प्राथमिक चौकशी केली असता त्याने शेख सिकंदर याच्या संगण्या्वरून नांदेड येथून गुटखा आणल्याची माहिती दिली आहे. नांदेड, औंढा मार्गे हा गुटखा हिंगोलीत आणला जात होता. त्यामुळे पोलिसांचे पथक लवकरच नांदेडला रवाना होणार असल्याचे सुत्रांनी सांगितले.
