पश्चिम विदर्भातील प्रतिष्ठित शैक्षणिक संस्था म्हणून ओळख असलेल्या दी बेरार जनरल एज्युकेशन सोसायटीच्या निवडणुकीत अध्यक्षपदी ॲड. मोतीसिंह मोहता पुन्हा निवडून आले आहेत. त्यांंनी १४८ मते मिळवून डॉ. आर. बी. हेडा यांचा ३० मतांनी पराभव केला. डॉ. हेडा यांना ११८ मते पडली. कार्यकारिणीत मात्र डॉ. हेडा यांच्या विद्याविकास पॅनलचे वर्चस्व आहे. सचिवपदावर पवन माहेश्वरी, वरिष्ठ उपाध्यक्षपदी विजय तोष्णीवाल हे बिनविरोध आले आहेत. शहरातील श्री रा. ल. तो. विज्ञान महाविद्यालय आणि कारंजा येथील किसनलाल नथमल गोयनका कला व वाणिज्य महाविद्यालयातील मतदान केंद्रांवर मतदान प्रक्रिया पार पडली. ३१९ पैकी २६१ मतदार सदस्यांनी मतदानाचा हक्क बजावला. यात कारंजा येथील केंद्रावर २८, तर अकोला येथील केंद्रावर २३३ मतदारांनी मतदान केले. सहसचिवपदासाठी डॉ. रवींद्र जैन (९७ मते) यांच्यावर अमित सुरेखा (१६३ मते) यांनी मात दिली. विजयी दोन्ही उमेदवार डॉ. हेडा यांच्या पॅनलचे आहेत. कार्यकारिणी सदस्यपदासाठी ललित अग्रवाल (१४५ मते), श्रीकृष्ण अमरावतीकर (१६० मते), ॲड. संजय अटल (१८९ मते), अभय बिजवे (१५३ मते), मनोज बिसेन (१७१ मते), आनंद चांडक (१४३ मते), करण चिमा उर्वरित पान ४ रालतो महाविद्यालयात मोजणी शहरातील श्री रा.ल.तो. महाविद्यालयात मतमोजणीला सुरुवात झाली. अध्यक्षपदासाठी ॲड. मोतीसिंह मोहता आणि डॉ. आर. बी. हेडा यांच्यात चुरशीची लढत झाली. या लढतीत ॲड. मोतीसिंह मोहता यांनी ३० मतांच्या फरकाने विजय मिळवला. कनिष्ठ उपाध्यक्षपदासाठी शरद चवरे (११८ मते) आणि अभिजीत परांजपे (१४० मते) यांच्यात झालेल्या लढतीत अभिजीत परांजपे विजयी झाले.
बीजीई सोसायटी अध्यक्षपदी ॲड. मोतीसिंह मोहतांची निवड, सचिव माहेश्वरी, वरिष्ठ उपाध्यक्ष विजय तोष्णीवाल
