बृहन्मुंबई महानगरपालिका सार्वत्रिक निवडणूक २०२५ – २६ च्या अनुषंगाने उमेदवारी माघार घेण्याच्या मुदतीत म्हणजेच २ जानेवारी रोजी २३ निवडणूक निर्णय अधिकारी कार्यालयांतून मिळून एकूण ४५३ नामनिर्देशन पत्रे माघार घेण्यात आली आहे. तर, १ हजार ७२९ उमेदवार न
.
राज्य निवडणूक आयोगाने जाहीर केलेल्या महानगरपालिका सार्वत्रिक निवडणूक २०२५ – २६ च्या कार्यक्रमानुसार, २३ डिसेंबर २०२५ ते ३० डिसेंबर २०२५ पर्यंत एकूण ११ हजार ३९१ नामनिर्देशनपत्रांचे वितरण झाले.
नामनिर्देशनपत्र स्वीकारण्याच्या अंतिम दिवसापर्यंत म्हणजेच ३० डिसेंबर २०२५ रोजी एकूण २ हजार ५१६ नामनिर्देशन अर्ज दाखल झाले.
या २ हजार ५१६ नामनिर्देशनपत्रांची ३१ डिसेंबर २०२५ रोजी छाननी करण्यात आली. १६४ नामनिर्देशन पत्रे छाननीत अवैध ठरली. तर उर्वरित २ हजार १८५ नामनिर्देशन पत्रे वैध ठरली.
नामनिर्देशन अर्थात उमेदवारी अर्ज मागे घेण्याची मुदत २ जानेवारी २०२६ रोजी सकाळी ११ ते दुपारी ३ या कालावधीत होती. या कालावधीत ४५३ नामनिर्देशन पत्रे मागे घेण्यात आली. माघारीअंती स्पष्ट झालेल्या चित्रानुसार, १ हजार ७२९ उमेदवार निवडणूक लढविणार आहेत.
आता ३ जानेवारी २०२६ रोजी सकाळी ११ वाजेपासून उमेदवारांना निवडणूक चिन्ह नेमून देण्यात येणार आहे. चिन्ह वाटप पूर्ण झाल्यानंतर निवडणूक लढविणा-या उमेदवारांची अंतिम यादी प्रसिद्ध करण्यात येणार आहे.
निवडणूक निर्णय कार्यालय / माघार घेतलेल्या नामनिर्देशन पत्रांची संख्या / निवडणूक लढविणा-या उमेदवारांची संख्या याची माहिती पुढीलप्रमाणे –
१) ए + बी + ई विभाग (RO २३) – १९ / ९२
२) सी + डी विभाग (RO २२) – ०५ / ४४
3) एफ दक्षिण विभाग (RO २१ ) – २१ / ५०
४) जी दक्षिण विभाग (RO २०) – १४ / ५१
५) जी उत्तर विभाग (RO १९) – १८ / १०९
६) एफ उत्तर विभाग (RO १८) – २५ / ९३
७) एल विभाग (RO १७) – २० / ७६
८) एल विभाग (RO १६) – २४ / ७४
९) एम पूर्व विभाग (RO १५) – ४१ / १२१
१०) एम पूर्व + एम पश्चिम (RO १४) – ४४ / ९७
११) एन विभाग (RO १३) – ३४ / ८८
१२) एस विभाग (RO १२) – १५ / ७०
१३) टी विभाग (RO ११) – २४ / ७९
१४) एच पूर्व विभाग (RO १०) – २५/ ८७
१५) के पूर्व + एच पश्चिम विभाग (RO ९) – १२ / ५८
१६) के पश्चिम विभाग + के पूर्व (RO ८) – १८ / ८२
१७) के पश्चिम विभाग (RO ७) – १८ / १०४
१८) पी दक्षिण विभाग (RO ६) – १४ / ५६
१९) पी पूर्व विभाग (RO ५) – २१ / ८१
२०) पी उत्तर विभाग (RO ४) – ११ / ६०
२१) आर दक्षिण विभाग (RO ३) – १० / ८३
२२) आर मध्य विभाग (RO २) – ०७ / ३५
२३) आर उत्तर विभाग (RO १) – १३ / ३९
एकूण – ४५३/ १७२९
