मुंबईच्या पवई येथे डमी मंतदारसंघाप्रमाणे डमी उमेदवार देखील उभे केल्याचा धक्कादायक प्रकार समोर आला आहे. या संपूर्ण प्रकरणाची राज्य निवडणूक आयोगाकडे तक्रार दाखल करण्यात आली आहे. या संदर्भात दिव्य मराठीशी बोलताना भाजप कार्यकर्ते राजेश चिंदरकर यांनी माहि
.
या संदर्भात माहिती देताना राजेश चिंदरकर म्हणाले की, मुंबईच्या 156 वॉर्डमध्ये कॉंग्रेसच्या वतीने जी उमेदवारी भरली आहे, त्यांनी माजी नगरसेवक शरद पवार यांच्या पत्नी असल्याचा दावा केला आहे. तर त्यांच्या त्या दुसऱ्या पत्नी आहेत आणि त्यांचे नाव अंजली शरद पवार असे आहे. त्यांनी त्यांच्या पहिल्या पत्नीचा जो रेकॉर्ड आहे, सविता शरद पवार, या रेकॉर्डवर उमेदवारी अर्ज दाखल केला आहे. ही दोन वेगवेगळी व्यक्तिमत्त्व आहेत आणि या प्रकरणाची संपूर्ण चौकशी करण्यात यावी.
पुढे बोलताना त्यांनी माहिती दिली की, माझ्याकडे या प्रकरणातील संपूर्ण डॉक्युमेंट्स आहेत आणि ही सगळी कागदपत्र मी निवडणूक आयोगाकडे दिली आहेत. निवडणूक निर्णय अधिकारी गागरानी साहेब यांच्याकडे देखील ही कागदपत्रे सादर केली आहेत. या सगळ्या कागदपत्रांची तपासणी करूनच कारवाई करावी, अशी माझी मागणी आहे. नाहीतर ही निवडणूक आयोगाच्या निर्णयाची पायमल्ली आहे. तसेच हा जनतेच्या विश्वासावर घाला आहे. कारण जनतेला माहित नसते की कोणता उमेदवार कोणत्या रेकॉर्डवर लढतो आहे.
हा डमी उमेदवार कॉंग्रेसचा असल्याचे राजेश यांनी सांगितले आहे. त्यांनी दिलेल्या माहितीनुसार सविता शरद पवार आणि शरद पवार यांना एक अपत्य होते आणि या दुसऱ्या पत्नी ज्या आहेत, अंजली शरद पवार यांना दोन अपत्य आहेत. तर हे दोन अपत्यच फॉर्ममध्ये दाखवली जातात. पूर्वीच्या पत्नीचा आणि आपत्याचा कोणताही रेकॉर्ड दाखवला जात नसल्याचा दावा राजेश चिंदरकर यांनी केला आहे.
