पुण्यातील प्रसिद्ध भारत फोर्ज लिमिटेडने भारतीय संरक्षण क्षेत्रात एक महत्त्वाचा टप्पा गाठत संरक्षण मंत्रालयासोबत लहान शस्त्रांच्या श्रेणीतला आतापर्यंतचा सर्वात मोठा करार केला आहे. या कराराअंतर्गत भारत फोर्ज भारतीय सैन्याला 2,55,128 स्वदेशी बनावटीच्या
.
करारानुसार पुढील पाच वर्षांच्या कालावधीत टप्प्याटप्प्याने या कार्बाइनचा पुरवठा करण्यात येणार आहे. ही 5.56 x 45 मिमी CQB कार्बाइन ही पूर्णतः स्वदेशी डिझाइन, विकसित आणि उत्पादित शस्त्र प्रणाली असून ती डी आर डी ओ अंतर्गत आर्मामेंट रिसर्च अँड डेव्हलपमेंट एस्टॅब्लिशमेंट (एआरडीई) आणि भारत फोर्ज, पुणे यांच्या संयुक्त सहकार्याने विकसित करण्यात आली आहे. ही कार्बाइन आधुनिक युद्ध परिस्थितीसाठी उपयुक्त, हलकी, कॉम्पॅक्ट आणि अधिक अचूक असल्याचे सांगितले जाते.
‘आत्मनिर्भर भारत’ मोहिमेच्या उद्दिष्टांशी सुसंगत राहून, भारत फोर्ज लिमिटेड आणि त्यांची पूर्ण मालकीची संरक्षण उपकंपनी कल्याणी स्ट्रॅटेजिक सिस्टम्स लिमिटेड भारतीय सशस्त्र दलांना ‘मेड इन इंडिया’ प्रगत संरक्षण उपकरणे आणि प्लॅटफॉर्म उपलब्ध करून देण्यासाठी कटिबद्ध असल्याचे कंपनीने स्पष्ट केले आहे. हा करार भारताच्या संरक्षण उत्पादन क्षमतेला मोठी चालना देणारा मानला जात आहे. भारत फोर्ज लिमिटेड वतीने करण्यात आलेल्या या कराराच्या माध्यमातून नवीन रोजगार निर्मिती देखील उपलब्ध होऊ शकणार आहे.
