अभिनेता मुझम्मिल इब्राहिम त्यांच्या एका जुन्या वक्तव्यामुळे चर्चेत आले आहेत, ज्यात त्यांनी दावा केला होता की, दीपिका पदुकोणसोबत 2 वर्षे राहिल्यानंतर त्यांनी तिला सोडले होते. जुन्या मुलाखतीत अभिनेत्याने असाही दावा केला होता की, दीपिकानेच त्यांना प्रपोज केले होते. आता व्हिडिओ व्हायरल झाल्यानंतर अभिनेत्याने स्पष्टीकरण दिले आहे. मुझम्मिल इब्राहिम यांनी त्यांच्या अधिकृत इंस्टाग्रामवरून एक पोस्ट शेअर करत लिहिले आहे, ‘ज्या मुलाखतीची चर्चा होत आहे आणि ज्याला चुकीच्या पद्धतीने “नवीन दावा” म्हणून सादर केले जात आहे, ती खरं तर एका वर्षापूर्वीच रेकॉर्ड केली गेली होती. सध्या जे क्लिप्स व्हायरल होत आहेत, ते एका लांब संवादाचे फक्त काही छोटे भाग आहेत.’ पुढे त्यांनी लिहिले, ‘एडिटिंगच्या प्रक्रियेत अनेकदा संकोच, संपूर्ण संदर्भ आणि ज्या विषयांवर आदराने बोलले गेले होते, ते सर्व हरवून जाते. अशा परिस्थितीत जेव्हा संभाषणाचे काही भाग वेगळे करून पाहिले जातात, तेव्हा त्यांचा खरा अर्थ आणि संदर्भ बदलू शकतो.’ याव्यतिरिक्त मुझम्मिल लिहितात, ‘मी नेहमीच माझ्या भूतकाळाशी संबंधित लोकांविषयी आदराने बोलण्याचा प्रयत्न केला आहे आणि हे आजही बदललेले नाही. इतरांप्रमाणे मी देखील अनेक वर्षे माझे काम आणि माझे जीवन सुधारण्यात घालवली आहेत, आणि माझी इच्छा आहे की संभाषणाचे केंद्र देखील त्यावरच राहिले पाहिजे. मी माझे म्हणणे प्रामाणिकपणे मांडण्यावर ठाम आहे आणि ते आदराने मांडण्यावर देखील.’ मुझम्मिल इब्राहिमचं जुने विधान काय होतं? काही महिन्यांपूर्वी एका पॉडकास्टमध्ये सिद्धार्थ काननने मुझम्मिलला विचारले होते की, तुम्ही दीपिका पदुकोणसोबत रिलेशनशिपमध्ये होता का? मुझम्मिलने याबद्दल बोलण्यास नकार देत म्हटले, ‘मला वाटतं की आपण याबद्दल बोलू नये, कारण आता तिचं लग्न झालं आहे. आम्ही खूप चांगले मित्र होतो आणि अजूनही आहोत आणि मी तिचा खूप आदर करतो.’ यावर त्यांना विचारण्यात आले की तुम्ही त्यावेळी तिला डेट करत होता का. यावर अभिनेत्याने म्हटले होते, ‘जेव्हा मी मॉडेलिंग करत होतो, तेव्हा मी दीपिकाला भेटलो होतो, आम्ही एकत्र शो केले होते. तिने मला ग्लॅडरेड्स इंडिया शो आणि परदेसिया गाण्यात पाहिले होते. आम्ही भेटलो होतो, पण नंतर मी परदेशात गेलो. मी चांगल्या स्तरावर ‘टेक ऑफ’ झालो होतो.’ अभिनेत्याने पुढे सांगितले की जेव्हा दीपिका मुंबईत नवीन आली होती, तेव्हा दोघांचे नाते सुरू झाले, जे 2 वर्षे टिकले. मुझम्मिलने हे देखील सांगितले की दीपिकाने त्याला प्रपोज केले होते, पण ब्रेकअप अभिनेत्याने केले होते. जेव्हा त्यांना विचारण्यात आले की तुम्हाला पश्चात्ताप आहे का, तेव्हा ते म्हणाले, ‘नाही, अजिबात नाही, मला कोणालाही सोडल्याचा कधीही पश्चात्ताप झाला नाही. मी कणखर माणूस आहे. त्यावेळी मी स्टार होतो आणि ती नव्हती. मात्र, नंतर ती मोठी स्टार बनली, आता लोक मला ओळखत नाहीत, पण तिला ओळखतात. मी तिचा चाहता आहे, तिचे चित्रपट पाहतो.’ मात्र, आता जो व्हिडिओ व्हायरल झाला आहे, त्यात बरीच काटछाट आहे. मूळ व्हिडिओमध्ये मुजम्मिल वारंवार या विषयावर बोलण्यास नकार देत होते, मात्र शॉर्ट व्हिडिओमध्ये असे काहीही नाही. मुझम्मिल इब्राहिम कोण आहेत?
