नागालँडमध्ये विषारी दारूमुळे 2 दिवसांत 19 जणांचा मृत्यू:19 जणांना अटक; राज्यात 36 वर्षांपासून दारूबंदी कायदा लागू

[ads1]

नागालँडमध्ये विषारी दारू प्यायल्याने १९ जणांचा मृत्यू झाला. गेल्या दोन दिवसांत मोकोकचुंग जिल्ह्यात ८ आणि तुएनसांग जिल्ह्यात ११ जणांचा मृत्यू झाला आहे. मृत्यूंनंतर पोलिसांनी अनेक ठिकाणी छापे टाकले. या कारवाईत १९ जणांना अटक करण्यात आली असून, सुमारे ३,००० दारूच्या बाटल्या जप्त करण्यात आल्या. पोलिसांनी तपासासाठी विशेष तपास पथक (SIT) स्थापन केले आहे. दारूचे नमुने न्यायवैद्यक तपासणीसाठी गुवाहाटीला पाठवण्यात आले आहेत. राज्यात १९९० पासून दारूबंदी कायदा लागू आहे. SIT दारू विक्रेत्यांची चौकशी करणार पोलिसांच्या म्हणण्यानुसार, विषारी दारू प्यायल्यामुळे हे मृत्यू झाल्याची शक्यता आहे. न्यायवैद्यक तपासणीत मृत्यूचे नेमके कारण समोर येईल. SIT मृत्यूंसोबतच विषारी दारू विकणाऱ्यांची आणि पुरवठा साखळीचीही चौकशी करणार आहे. या प्रकरणात काही धागेदोरे मिळाले आहेत. पोलिसांनी नागरिकांना लेबल नसलेली किंवा संशयास्पद दारू न पिण्याचे आणि प्रकृती बिघडल्यास त्वरित उपचार घेण्याचे आवाहन केले आहे.

[ads2]