![]()
महापालिका निवडणुकीसाठी सुरू असलेला उमेदवार व राजकीय पक्षांचा जाहीर प्रचार आज थंडावणार आहे. जाहीर प्रचाराचा आजचा अखेरचा दिवस असल्याने भाजप व राष्ट्रवादी युतीसह महाविकास आघाडी, शिवसेनेकडून प्रचार फेऱ्यांद्वारे शक्तिप्रदर्शन केले जाण्याची शक्यता आहे. दर
.
गेल्या ११ दिवसांपासून शहरात निवडणुकीची रणधुमाळी सुरू आहे. उपनगर भागात केडगाव, कल्याण रोड व मुकुंदनगर परिसरात व मध्य शहरातील प्रभागांमध्ये चुरशीच्या लढती होण्याची चिन्हे आहेत. मध्य शहरात विशेषतः शिवसेना व युतीच्या उमेदवारांमध्ये अधिक चुरस पहायला मिळत आहे. मुकुंदनगर भागात काँगेस व एमआयएममध्ये थेट लढत होत आहे. प्रचाराच्या अखेरच्या दिवशी युतीकडून शहरात प्रचार फेरी काढण्यात येणार आहे. महाविकास आघाडीकडूनही सांगता सभेची तयारी सुरू आहे. जाहीर प्रचारानंतर रात्रीच्या वेळी राजकीय घडामोडी, बैठका वाढल्या असून त्यादृष्टीने पोलिसांसह भरारी पथकांनी रात्रीच्या वेळीही विविध भागातील हालचालींवर लक्ष केंद्रित केले आहे.
परस्परविरोधी तक्रारी,अन् तपासण्या सुरू निवडणुकीसाठी अखेरचे तीन दिवस शिल्लक राहिले असून प्रतिस्पर्धी उमेदवारांच्या विरोधात पैसे वाटप केले जात असल्याच्या तक्रारी वाढल्या आहेत. पोलिस प्रशासनाकडूनही तक्रारीनुसार घटनास्थळी जाऊन पाहणी केली जात आहे. उमेदवारांकडून कार्यकर्त्यांसाठी सुरू असलेल्या जेवणावळींवरही लक्ष ठेवले जात आहे. मध्य शहरात गल्ली बोळामध्ये कार्यकर्त्यांचा वावर वाढला आहे.
