मुख्यमंत्री देवेंद्र फडणवीस, उपमुख्यमंत्री सुनेत्रा पवार तसेच मंत्री छगन भुजबळ यांनी VSR कंपनीच्या विमानातून प्रवास केल्याचे समोर आले आहे. दिवंगत उपमुख्यमंत्री अजित पवार यांचा विमान अपघात झाल्यापासून ही कंपनी चर्चेत आली असून DGCA ने VSR कंपनीच्या 4 व
.
नाशिक येथे चौथे विश्व मराठी संमेलनाच्या उद्घाटनाला उपस्थित राहण्यासाठी मुख्यमंत्र्यांनी या विमानाचा वापर केला असल्याची माहिती समोर आली आहे. तसेच यावेळी उपमुख्यमंत्री एकनाथ शिंदे अनुपस्थित राहिले. एकनाथ शिंदे यांनी या कंपनीचे विमान न वापरण्याची भूमिका घेतली असल्याचे दिसून येत आहे.
पुणे-बारामती प्रवासादरम्यान अजित पवार ज्या खासगी विमानाने प्रवास करत होते, त्या VSR व्हेंचर्सच्या विमानाला बारामती विमानतळाजवळ अपघात झाल्याने ही कंपनी वादाच्या भोवऱ्यात सापडली होती. दरम्यान, मराठी भाषा विभागाच्या कार्यक्रमाला उपमुख्यमंत्री एकनाथ शिंदे उपस्थित राहतील अशी दाट शक्यता असतानाही त्यांनी दांडी मारली, तर नाशिकचे असूनही शिक्षण मंत्री दादा भुसे यांनीही या सोहळ्याकडे पाठ फिरवल्याने राजकीय वर्तुळात उलटसुलट चर्चा सुरू झाली आहे.
चौथे विश्व मराठी संमेलनामधील काही फोटो
मंत्री छगन भुजबळ, मुख्यमंत्री देवेंद्र फडणवीस आणि उपमुख्यमंत्री सुनेत्रा पवार
