अजित पवार अपघात प्रकरणी सरकारला सभागृहात उत्तर द्यावे लागेल:सुनेत्रा पवारांना पत्रकार परिषदेत बोलू का दिले नाही? त्यांच्या नेत्यांनाच विचारा- शशिकांत शिंदे

अजित पवार यांच्या विमान अपघात प्रकरणी बंदी घातलेल्या कंपनीवर गुन्हा दाखल करण्यात यावा, यासाठी कालही मी सभागृहात चर्चा केली, तरीही जर गुन्हा दाखल होत नसेल तर त्यांची अल्पकालीन चर्चा आम्ही स्वीकारलेली आहे, त्यावेळी चर्चा करू, तेव्हा सरकारला त्यांचे उत्तर द्यावे लागेल असे राष्ट्रवादी काँग्रेस शरद पवार गटाचे प्रदेशाध्यक्ष शशिकांत शिंदे यांनी म्हटले आहे. काल सीआयडीने सुद्धा सांगितले आहे की, हा घातपात आहे की अपघात या संदर्भात चौकशी करतो आहोत. आता या चौकशीला किती वेळ लागणार त्यातून काय निष्पन्न होणार यावर सभागृहात चर्चा होईल आणि सरकार त्यावर खुलासा करेल अशी माझी अपेक्षा होईल. शशिकांत शिंदे म्हणाले की, सुनेत्रा पवार यांना काल पत्रकार परिषदेत बोलू दिले नाही किंवा त्यांची राष्ट्रीय अध्यक्ष म्हणून झालेली निवड याबद्दल मी काहीही बोलणार नाही. आम्ही त्यांना अध्यक्षपदासाठी शुभेच्छा दिलेल्या आहेत. अजित पवारांचे स्वप्न पूर्ण करण्यासाठी त्यांना पक्षाचे सहकार्य होईल. काल जे सुरू होते त्यावर त्यांना का बोलू दिले नाही या संदर्भात त्यांच्या पक्षाच्या नेत्यांना प्रश्न केला पाहिजे. अजितदादांसोबत बैठका झाल्या शशिकांत शिंदे म्हणाले की, अजित पवार यांच्या अपघातापूर्वी ज्या घटना घडल्या त्या सत्य घटना आम्ही सांगितल्या आहेत. काही लोकांनी सत्य स्वीकारण्याची तयारी ठेवली पाहिजे. बैठका झाल्या हे जर कोणी स्वीकारत नसेल तर त्यामागे त्यांचा हेतू काय हे मला माहिती नाही, पण बैठका झाल्या होत्या याचे पुरावे त्यांच्या आमदारांनीच दिले आहेत. त्यामुळे त्यांनी आम्हाला खोटे पाडण्याचा प्रयत्न करू नये. दोन्ही पक्षांच्या नेत्यांना समोर आणत दूध का दूध आणि पानी का पानी करावे. शरद पवारांनी निवडणूक लढवावी शशिकांत शिंदे म्हणाले की, शरद पवार यांनी निवडणूक लढवावी अशी आमची विनंती आहे. यासंदर्भात त्यांची मी अजून भेट घेतलेली नाही. मविआची प्राथमिक चर्चा झाल्यानंतर आम्ही शरद पवार यांच्याशी बोलावे असे आमचे ठरलेले आहे. मविआमध्ये तिन्हर पक्षातील लोकांना जरी वासटत असले की राज्यसभेवर आपल्या पक्षातील नेत्याला संधी मिळावी तरी आम्ही चर्चेतून एका नेत्यांचे काढून आणू. या प्रकरणी निर्णय हे शेवटच्या क्षणीच होत असतात. त्यानंतर उद्धव ठाकरेंची भेट घेणार शशिकांत शिंदे म्हणाले की, उद्धव ठाकरेंची त्यांच्या पक्षाच्या नेत्यांसोबत एक बैठक होणार असून त्यानंतर आम्ही त्यांच्या भेटीला जाणार आहोत. अजित पवार काय करणार होते यावर आता आम्ही काही खुलासा करणे योग्य नाही. परंतु येणाऱ्या काळामध्ये 2029 मध्ये स्वत:च्या ताकदीवर उभे करणे हे सर्व पक्षाचे काम होते, त्यासाठी निर्णय घेण्याची आम्ही प्रक्रिया केली होती. आता दादा गेल्यावर तो विषय संपलेला आहे. आता चर्चा करत असताना मविआम्हणून आम्ही काम करत आलो आहोत