पुणे पोलिसांच्या गुन्हे शाखेने ‘डिझाईन बॉक्स’ कार्यालयात दिलेल्या भेटीनंतर नरेश अरोरा यांनी आपली बाजू मांडली. ते म्हणाले की, पुणे गुन्हे शाखेच्या पथकाने आमच्या कार्यालयात येऊन कामकाजाची माहिती घेतली. प्रामुख्याने कार्यालयात नेमके काय काम चालते आणि रा
.
पुढील माहिती देताना नरेश अरोरा म्हणाले, आम्ही पोलिसांना तपासात पूर्ण सहकार्य केले आहे आणि पुढेही करू. अधिकाऱ्यांनी काही माहिती विचारली आणि मिळालेल्या माहितीवर ते समाधानी होऊन निघून गेले. आमच्या कार्यालयातून ते कोणतीही कागदपत्रे किंवा वस्तू सोबत घेऊन गेलेले नाहीत. जर या ठिकाणी पैशांचे वाटप किंवा इतर काही चुकीचे प्रकार सुरू असते, तर त्यांना नक्कीच काहीतरी सापडले असते; मात्र तसे काहीही आढळलेले नाही. मी स्वतः राजकीय व्यक्ती नाही, तर गेल्या 10 वर्षांपासून या क्षेत्रात व्यावसायिक म्हणून काम करत आहे. मी नेहमी सकारात्मक काम करण्यावर भर देतो आणि कधीही कोणतेही चुकीचे काम केलेले नाही.
शेवटी नरेश आरोरा यांनी नमूद केले की, राजकीय रणनीतीचे काम असल्यामुळे अशा गोष्टी घडत राहतात. महाराष्ट्रात अशा प्रकारे एखाद्या राजकीय सल्लागाराच्या कार्यालयाची चौकशी होण्याची ही पहिलीच वेळ असावी. मला चौकशीसाठी बोलावण्यात आलेले नाही आणि माझे पोलिस आयुक्तांशीही या विषयावर कोणतेही बोलणे झालेले नाही. या प्रकरणावर आता अधिक कोणतेही राजकीय भाष्य मला करायचे नाही.
