- Marathi News
- National
- Fraud From Cambodia, ‘Send 10 Children, Give 95 Thousand Each…’, Bhaskar Correspondent’s 55 day Undercover Campaign
अक्षय बाजपेयी7 तासांपूर्वी
- कॉपी लिंक
‘१० मुले पाठवा… प्रत्येक मुलामागे १,००० डॉलर (सुमारे ९५ हजार रुपये) कमिशन मिळेल.’ कंबोडियात बसलेल्या एका पाकिस्तानी एजंटने भास्करच्या प्रतिनिधीला ही ऑफर दिली. अट एवढीच होती की, मुलांना इंग्रजी बोलता येणे गरजेचे आहे. पुढील प्रशिक्षण कंपनी देणार होती. कंपनीचे नाव, संकेतस्थळ, ऑफर लेटर नाही.
सायबर फसवणुकीसाठीची भरती प्रक्रिया टेलिग्रामवर मुलाखत, पासपोर्ट आधारे पूर्ण केली जाते. ५५ दिवसांच्या अंडरकव्हर तपासात प्रतिनिधी एजंट बनून सायबर सिंडिकेटच्या जाळ्यात शिरला. या काळात पाकिस्तानातील एजंट, भरती करणारे एचआर, प्रशिक्षक कंबोडिया व मलेशियातील कारभार सांभाळणाऱ्या व्यक्तींपर्यंत पोहोचण्यात यश आले. विश्वास संपादन करून भारतातून तरुणांची भरती करणाऱ्या नेटवर्कचा पर्दाफाश केला. या तरुणांना अमेरिका व इतर देशांतील नागरिकांना ‘डिजिटल अटके’खाली फसवत होते.
उलगडा : टुरिस्ट व्हिसावर नेटवर्कच्या लोकांची भेट; रॅकेटचे धागेदोरे हाती
मॅन्युअलने सांगितले की, एक वर्षाचा करार केला जाईल. सुरुवातीच्या तीन महिन्यांत नोकरी सोडण्याची परवानगी नसेल. नेटवर्कची खात्री करण्यासाठी प्रतिनिधीने कंबोडियाला जाण्याची इच्छा व्यक्त केली असता, एजंटने नोम पेन्हमधील सहकाऱ्याशी भेट ठरली. तसेच टुरिस्ट व्हिसावर येण्याचा सल्ला दिला. तेव्हाच कंबोडियातील बनावट नोकऱ्यांच्या आमिषाने भारतीयांची मानव तस्करीबाबतचा इशारा भारतीय दूतावासाने दिला. नंतर भास्करचे पथक कंबोडियात पोहोचले व या रॅकेटचे धक्कादायक पैलू समोर आले.
सर्व काही आधी ठरले; टेलिग्रामवर मुलाखत, १५ दिवसांत व्हिसा तयार
- टोळीसंबंधी पाकिस्तानी एजंट लफीने भास्कर प्रतिनिधीस सांगितले की, कंबोडियात कारवाई तीव्र झाल्यामुळे अनेक कंपन्यांनी आपले तळ थायलंड-म्यानमार सीमेवर हलवले आहेत. त्याच्या कंपनीत सुमारे ३०० जण काम करतात. पैकी ४० ते ६० जण भारतीय आहेत. कंपनीचा एचआरही मुंबईचा आहे. कंपनीकडून कायदेशीर कागदपत्र दिले जात नाही.
- मॅन्युअलने ३ तरुणांचे व्हिडिओ मागवून टेलिग्रामवर मुलाखत घेतली. काही सामान्य प्रश्न विचारल्यानंतर दुसऱ्याच दिवशी तिघांची निवड झाल्याचे सांगत त्यांच्या पासपोर्टच्या प्रती मागविल्या. १५ दिवसांत व्हिसा तयार होईल.. कंबोडियात कारवाईमुळे मलेशियाला पाठवले जाईल.
- विमानतळावर कंपनी प्रतिनिधी त्यांना घेण्यासाठी येतील. राहणे, जेवण, लॅपटॉपची व्यवस्था कंपनी करेल. रात्री १० ते सकाळी १० या वेळेत अमेरिकींना लक्ष्य करण्याचे काम दिले जाईल.
- मॅन्युअल जोसेफ नावाच्या व्यक्तीशीही प्रतिनिधीची भेट घडवून आणली. तो कंबोडिया व लाओस येथे आउटसोर्स एचआर म्हणून काम करतो. त्याने १० भारतीयांच्या भरतीसाठी कमिशनची ऑफर व ३०० डॉलर त्याचा व ७०० डॉलर एजंटचा हिस्सा ठरला. शिवाय प्रत्येक तरुणामागे ५ हजार देण्याची अट ठेवली.
