Mumbai Fire Updates; Kurla Building Inferno & Amarsons Store Blaze

.

घटना पहिली: कुर्ल्यात इमारतीला आग, ९ जण जखमी

मंगळवारी सकाळी ६:५३ च्या सुमारास कुर्ला पश्चिम येथील ‘कोहिनूर HDIL’ या १३ मजली इमारतीच्या (बिल्डिंग नंबर-५) इलेक्ट्रिक डक्टमध्ये अचानक आग लागली. आगीची माहिती मिळताच अग्निशमन दल, पोलीस, वीज कंपनी आणि पालिकेचे कर्मचारी तातडीने घटनास्थळी पोहोचले. अग्निशमन दलाच्या जवानांनी शर्थीचे प्रयत्न करत अवघ्या अर्ध्या तासातआगीवर नियंत्रण मिळवले.

या दुर्घटनेत ३ मुलांसह एकूण ९ जण जखमी झाले आहेत. महापालिका अधिकाऱ्यांनी दिलेल्या माहितीनुसार, आगीच्या धुरामुळे ८ जणांचा गुदमरून श्वास कोंडला गेला, तर एका व्यक्तीच्या उजव्या पायाला दुखापत झाली आहे. जखमींमध्ये ५ वर्षांचा एक चिमुकला, दोन किशोरवयीन मुली आणि एका वृद्ध व्यक्तीचा समावेश आहे. सर्व जखमींना राजावाडी रुग्णालयात दाखल करण्यात आले असून सध्या सर्वांची प्रकृती स्थिर असल्याचे वैद्यकीय अधिकाऱ्यांनी स्पष्ट केले आहे.

घटना दुसरी: अमरसन्स स्टोअरमध्ये अग्नितांडव

कुर्ल्याची घटना ताजी असतानाच सकाळी ८ वाजेच्या सुमारास भुलाभाई देसाई रोडवर (ब्रीच कँडी परिसर) असलेल्या प्रसिद्ध ‘अमरसन्स स्टोअर’ला (Amarsons Store) आग लागल्याची दुसरी घटना समोर आली.

घटनेची माहिती मिळताच अग्निशमन दलाचे ४ बंब आणि इतर गाड्या घटनास्थळी दाखल झाल्या. आग विझवण्यासाठी पोलीस, सार्वजनिक बांधकाम विभाग (PWD) आणि मुंबई महानगरपालिकेचे (BMC) कर्मचारीही तातडीने पोहोचले. अधिकाऱ्यांनी दिलेल्या माहितीनुसार, या आगीत सुदैवाने कोणीही जखमी झालेले नाही. मात्र, दुकानाचे मोठे नुकसान झाले असून आगीचे नेमके कारण अद्याप समजू शकलेले नाही.

——————-

ही बातमी पण वाचा..

आजचे एक्सप्लेनर: लॉरेन्सने टायगर श्रॉफवर गोळी का झाडली, दाऊदची जागा घेणार का?; तुरुंगातून 700 शूटर्सची गँग कशी चालवतो?

टायगर श्रॉफवर गोळीबार झाल्यानंतर २४ तासांच्या आत दोन ऑडिओ क्लिप व्हायरल झाल्या आहेत. लॉरेन्सचा ‘छोटा भाऊ’ असल्याचे सांगणारा अनिल पंडित म्हणतो—चित्रपटसृष्टीत जो कोणी त्यांच्यापासून वेगळे होऊन काम करेल, त्याला ठार मारू. दुसऱ्या ऑडिओमध्ये दाऊद इब्राहिमवर बॉलिवूड चित्रपटांमधून पैसे कमावल्याचा आरोप करण्यात आला आहे. गेल्या ४ वर्षांत १० नामवंत व्यक्तींवरील हल्ल्यांमध्ये लॉरेन्स गँगचे नाव समोर आले आहे. सविस्तर वाचा