शिवसेना (उद्धव बाळासाहेब ठाकरे) नेते आणि आमदार आदित्य ठाकरे यांनी 24 जुलै रोजी मुंबईतील छत्रपती शिवाजी महाराज पार्क येथे ‘वन नेशन, वन इमोशन’ या नावाने शांततापूर्ण आंदोलनाची हाक दिली आहे. दिल्लीतील आंदोलनावरील पोलिस कारवाई, देशभरातील विद्यार्थ्यांची ध
.
राहुल गांधी आणि विद्यार्थ्यांच्या समर्थनासाठी आंदोलन
आपल्या पोस्टमध्ये आदित्य ठाकरे यांनी म्हटले आहे की, दिल्लीतील कथित दडपशाही, देशभरातील विद्यार्थ्यांची धरपकड आणि जंतर-मंतर येथे आंदोलन करणाऱ्या विद्यार्थ्यांच्या समर्थनासाठी हे शांततापूर्ण आंदोलन आहे. महाराष्ट्र हा देशासाठी लढणाऱ्या धाडसी युवकांसोबत ठामपणे उभा असल्याचा संदेश या आंदोलनातून दिला जाणार आहे. त्यांनी पर्यावरणवादी सोनम वांगचूक, विद्यार्थी नेता अभिजीत दिपके आणि जंतर-मंतर येथे आंदोलन करणाऱ्या सर्व आंदोलकांच्या समर्थनासाठी नागरिकांनी सहभागी व्हावे, असे आवाहन केले आहे.
‘राहुल गांधींना ताब्यात घेतले, उद्या हे तुमच्यासोबतही होऊ शकते’
आदित्य ठाकरे यांनी आपल्या पोस्टमध्ये राहुल गांधी यांच्यावरील कारवाईचाही उल्लेख केला आहे. विरोधी पक्षनेते राहुल गांधी आणि इतर खासदारांना आंदोलनादरम्यान ताब्यात घेण्यात आले. जर हे त्यांच्यासोबत होऊ शकते, तर उद्या सामान्य नागरिकांसोबतही होऊ शकते, असा दावा त्यांनी केला. तसेच आंदोलनातील महिला आणि पुरुषांवर करण्यात आलेल्या कथित पोलिस बळाच्या वापराचाही त्यांनी निषेध केला आहे.
‘तिरंगा हाती, राष्ट्रगीताच्या माध्यमातून शांततापूर्ण निषेध’
हे आंदोलन कोणत्याही पक्षाचा कार्यक्रम नसून देशभक्त नागरिकांचे शांततापूर्ण आंदोलन असल्याचे आदित्य ठाकरे यांनी स्पष्ट केले आहे. हातात तिरंगा घेऊन राष्ट्रगीत गात देशभक्ती व्यक्त करण्याचे आणि सत्ताधाऱ्यांकडून उत्तरदायित्वाची मागणी करण्याचे हे व्यासपीठ असल्याचे त्यांनी नमूद केले.
सर्व नागरिकांना सहभागी होण्याचे आवाहन
या आंदोलनात कोणत्याही पक्षाचे झेंडे आणू नयेत, असे आवाहन करत आदित्य ठाकरे यांनी सर्व राजकीय पक्ष, विविध विचारसरणीचे नागरिक आणि भारतीय युवकांना चांगले भविष्य मिळावे असे वाटणाऱ्या प्रत्येकाने सहभागी व्हावे, असे म्हटले आहे. पोस्टच्या शेवटी त्यांनी “जय हिंद! जय महाराष्ट्र! वंदे मातरम्!” अशा घोषणांसह आंदोलनात सहभागी होण्याचे आवाहन केले आहे.
हेही वाचा…
दिल्लीत उद्धव ठाकरेंचा मोदी-शहांवर घणाघात: म्हणाले- रावण आणि तुमच्यात फरक काय? फडणवीसांच्या टीकेलाही दिले प्रत्युत्तर
नवी दिल्लीतील जंतरमंतर येथे सुरू असलेल्या विद्यार्थ्यांच्या आंदोलनाला शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांनी पाठिंबा दर्शवला आहे. काल त्यांनी जंतरमंतरवर जाऊन आंदोलक विद्यार्थ्यांची भेट घेतली. यानंतर आज दिल्लीत पत्रकार परिषद घेत ठाकरेंनी केंद्र सरकारवर आणि भाजप नेत्यांवर सडकून टीका केली. ‘सत्तेची हवा डोक्यात गेल्याने सरकार विद्यार्थ्यांशी संवाद साधत नाही,’ असा आरोप करत त्यांनी ‘तुमच्यात आणि रावणात फरक काय?’ असा सवाल सरकारला विचारला आहे. सविस्तर वाचा
जंतरमंतरवर सलग तिसऱ्या रात्री हजारो आंदोलक:CJP च्या कार्यकर्त्यांची सुटका; दावा- मंत्री नड्डा, जितेंद्र सिंह वांगचुक यांना भेटले
दिल्लीतील जंतर-मंतर येथे ‘कॉकरोच जनता पार्टी’च्या (CJP) आंदोलनाचा आज ३३ वा दिवस आहे. मंगळवारी रात्री हजारो आंदोलक या ठिकाणी ठाण मांडून बसले होते; त्यांची तिथे ही सलग तिसरी रात्र होती. यामध्ये अशा व्यक्तींचाही समावेश होता ज्यांना २० जुलै रोजी झालेल्या ‘संसद मोर्चा’दरम्यान पोलिसांच्या लाठीमाराचा आणि अश्रूधुराच्या नळकांड्यांचा सामना करावा लागला होता. सविस्तर वाचा
