सर्वोच्च न्यायालयाने दिल्ली-एनसीआरमध्ये गेल्या काही दिवसांत अल्पवयीन मुलींवर झालेल्या बलात्काराच्या घटनांबद्दल चिंता व्यक्त केली आहे. न्यायालयाने या प्रकरणांवर दिल्ली पोलिसांकडून उत्तर मागितले आहे. सर्वोच्च न्यायालयाने म्हटले की, या घटना पाहून २०१२ मधील निर्भया प्रकरणाची वेदनादायक आठवण होते आणि त्या घटनेतून काही धडा घेतला गेला आहे का, असा प्रश्न उपस्थित होतो. न्यायमूर्ती जे. बी. पारदीवाला आणि न्यायमूर्ती के. विनोद चंद्रन यांच्या खंडपीठाने दिल्ली-एनसीआरमधील अल्पवयीन मुलींशी संबंधित तीन सामूहिक बलात्काराच्या प्रकरणांची स्वतःहून दखल घेतली. यामध्ये आस्था कुंज पार्क, स्वरूप नगर आणि ग्रेटर नोएडा-दिल्ली बसमधील अल्पवयीन मुलीवरील सामूहिक बलात्काराच्या प्रकरणांचा समावेश आहे. बातमी अपडेट केली जात आहे…