दहावी, बारावीच्या परीक्षा फेब्रुवारी-मार्चमध्ये होणार आहेत. या परीक्षेच्या निकालानंतर अनेक जण आपल्याला कोणत्या क्षेत्रात करिअर करता येईल, याचा अंदाज घेतात, परंतु आता शिक्षण विभागाने विद्यार्थ्यांना त्यांचा कल कोणत्या करिअरकडे आहे, हे ओळखण्यासाठी आस्क गुरू हे अॅप उपलब्ध करून दिले आहे. या ॲपच्या माध्यमातूनही परीक्षेला तणावमुक्त होऊन सामोरे जाण्याबरोबरच तज्ज्ञांचे मार्गदर्शन मोफत मिळणार आहे. दहावी बारावी परीक्षेसाठीची जोरदार तयारी विभागीय शिक्षण मंडळासह माध्यमिक शिक्षण विभागाने केली आहे. विद्यार्थ्यांना जसजशी परीक्षा जवळ येते. तसतसा ताण वाढतो. त्यांच्या मनातील परीक्षेची भीती दूर व्हावी. त्याचबरोबर कोणत्या शाखेला प्रवेश घ्यायला हवा असा प्रश्न विद्यार्थ्यांच्या मनात असतो. अनेकवेळा विद्यार्थ्यांनी निवडलेला करिअरचा मार्ग चुकतो. या पार्श्वभूमीवर विद्यार्थ्यांना नेमके काय करावे, यासाठी ‘आस्क गुरू’ हे ॲप शिक्षण विभागाने तयार केले आहे. विद्यार्थ्यांनी तणावमुक्त राहून परीक्षा द्यावी ^विद्यार्थ्यांना पेपरपूर्वी येणारा ताण यासह करिअरसाठी मदत व्हावी. यासाठी हे ॲप तयार केले. . यात सर्व विषयांचे तज्ज्ञ मार्गदर्शनासाठी असून त्यांचे संपर्क नंबरही दिले आहेत. विद्यार्थी मेसेजद्वारे, चॅटबॉटद्वारे त्यांच्याशी संवाद साधून प्रश्न विचारू शकतील. ही सुविधा मोफत आहे. संभाजीनगर जिल्ह्यातील हा पथदर्शी प्रकल्प राबविला जात आहे. – अश्विनी लाठकर, शिक्षणाधिकारी, माध्यमिक विभाग
आस्क गुरू ॲपच्या माध्यमातून आता निकालाआधी ठरवा करिअरचा मार्ग:तणावमुक्त परीक्षेसाठी शिक्षण विभागाचा स्तुत्य उपक्रम
