राष्ट्रवादी काँग्रेस पार्टीचे राष्ट्रीय नेते आणि राज्याचे उपमुख्यमंत्री अजित पवार यांच्या हस्ते रविवारी पुणे महानगरपालिकेच्या प्रभाग क्रमांक ९ मधील विकासकामांचा सविस्तर “प्रगती अहवाल” प्रकाशित करण्यात आला. यावेळी प्रभाग क्रमांक ९ मधील नागरिकांच्या अप
.
या प्रगती अहवालात प्रभाग क्रमांक ९ मधील पायाभूत सुविधा, नागरिकांसाठी राबवलेले उपक्रम आणि पुढील काळात करण्यात येणाऱ्या विकासकामांचा ठोस आराखडा मांडण्यात आला आहे. येणाऱ्या काळात प्रभाग क्रमांक ९ मधील नागरिकांचे जीवनमान उंचावण्यासाठी सर्वसमावेशक आणि व्यवहार्य उपाययोजनांचा समावेश असलेला जनहितनामा तयार करण्यात आल्याचे यावेळी सांगण्यात आले.
या कार्यक्रमास राष्ट्रवादी काँग्रेस पार्टीच्या अधिकृत उमेदवार गायत्री मेढे-कोकाटे, बाबुराव चांदेरे, पार्वती निम्हण तसेच अमोल बालवडकर उपस्थित होते. प्रभाग क्रमांक ९ मधील विकासकामे अधिक गतीने पूर्ण करून नागरिकांना प्रत्यक्ष दिलासा देणे आणि दिलेली आश्वासने पूर्णत्वास नेणे हा आमचा संकल्प आहे, असे उपस्थित उमेदवारांनी स्पष्ट केले.
जनहितनामा पूर्णपणे जनतेच्या सहभागातून तयार करण्यात आला आहे. प्रगती अहवालात प्रभागातील पाणीपुरवठा, रस्ते सुधारणा, वाहतूक व्यवस्थापन, स्वच्छता उपक्रम, स्मार्ट सुविधा, नागरिक सेवा केंद्र, आरोग्यसेवा आणि सार्वजनिक पायाभूत सुविधांसह झालेल्या कामांचा सविस्तर आढावा देण्यात आला आहे. प्रभागातील वाढत्या गरजा आणि भविष्यातील प्राधान्यक्रमांवरही स्पष्ट दिशानिर्देश मांडण्यात आले आहेत.
या उपक्रमाचे सर्वात महत्त्वाचे वैशिष्ट्य म्हणजे हा जनहितनामा पूर्णपणे जनतेच्या सहभागातून तयार करण्यात आला आहे. प्रभागातील पाच हजारहून अधिक नागरिकांचे मत, तसेच रहिवासी संस्था, नागरिक संघटना आणि विविध सिटिझन ग्रुप्स यांच्या सूचना, समस्या आणि अपेक्षा नोंदवूनच हा जनहितनामा साकारण्यात आला आहे.
या दस्तऐवजात लोकांनी ज्या मुद्द्यांना प्राधान्य दिले, जिथे प्रत्यक्ष बदल घडवून आणण्याची गरज आहे आणि ज्याचा थेट लाभ नागरिकांना मिळू शकतो, त्या सर्व बाबींना स्थान देण्यात आले आहे. जनतेला जे हवे आहे, जिथे त्यांचा हक्क आणि हित आहे, त्या गरजांवर आधारित हा आराखडा तयार करण्यात आला आहे.
