अभिनयाच्या सोबतीने उद्योजिका झालेली अमृता खानविलकर सध्या तिच्या ‘अमूल्य’ या साडी ब्रॅंडमुळे विशेष चर्चेत असून नुकतेच ठाणे क्लब येथे भरलेल्या अमूल्यवैभव या प्रदर्शनाला उत्तम प्रतिसाद मिळतोय. अमृताच्या ‘अमूल्य’ या ब्रँड सोबत अजून 61 स्टॉल या प्रदर्शनात बघायला मिळतात. सणासुदीसाठी शॉपिंग करण्यासाठी अमूल्यवैभव हे वन स्टॉप डेस्टिनेशन ठरत आहे. ब्रॅंड सुरू करून अवघ्या पाच महिन्यात तिने अमूल्य सोबत विविध 61 लाइफस्टाईल ब्रॅंड एका छताखाली घेऊन येऊन अमूल्यवैभव सारख खास प्रदर्शन भरवल आणि या प्रदर्शनाला महाराष्ट्राचे उपमुख्यमंत्री एकनाथ शिंदे यांनी सदिच्छा भेट दिली आहे. महाराष्ट्राचे उपमुख्यमंत्री एकनाथ शिंदे यांनी खास भेट देऊन त्यांनी अमृता खानविलकर हिच्या अमुल्य स्टॉलला देखील भेट देऊन पुढील प्रवासासाठी शुभेच्छा दिल्या आहेत. सोशल मीडियावर पोस्ट करून त्यांनी नवनवीन उद्योजिकाना प्रोत्साहित केलं आहे. अभिनय, निर्मिती आणि आता उद्योजिका म्हणून अमृता खानविलकरचा प्रवास हा कायम अनेक महिलांना प्रोत्साहन देणारा आहे यात शंका नाही. येणाऱ्या काळात अमृता “रक्तफळ” या चित्रपटात दिसणार असून यांच्या सोबतीने अजून बहुआयामी व्यक्तीरेखा साकारताना दिसणार आहे.
