कुंटूर (प्रतिनिधी)- गावातील एका घरात घरफोडी करून अज्ञात चोरट्यांनी १ लाख ५२ हजार ५६० रुपयांचा ऐवज चोरून नेल्याची घटना उघडकीस आली आहे. हा प्रकार १५ फेब्रुवारी रोजी रात्री ११.३० ते १६ फेब्रुवारी पहाटे ६ वाजण्याच्या दरम्यान घडला.
याप्रकरणी शेख मेहबूब मौला साब (रा. कुंटूर, ता. नायगाव) यांनी पोलिसांत तक्रार दिली आहे. त्यांच्या तक्रारीनुसार, त्यांच्या बहीण व आई राहात असलेल्या घराचे कुलूप तोडून अज्ञात चोरट्यांनी घरात प्रवेश केला. त्यानंतर हॉल तसेच बहिणीच्या खोलीतील कपाट फोडून त्यातील सोन्या-चांदीचे दागिने व रोख रक्कम असा एकूण १ लाख ५२ हजार ५६० रुपयांचा ऐवज चोरून नेला. या प्रकरणी कुंटूर पोलीस ठाणे येथे गुन्हा क्र. ३३/२०२६ दाखल करण्यात आला असून पुढील तपास सहायक पोलीस निरीक्षक भोसले करीत आहेत. पोलिसांकडून चोरट्यांचा शोध घेण्याचे काम सुरू आहे.
Post Views: 87
