नांदेड – राजर्षी शाहू महाराज ग्रामीण विकास प्रतिष्ठाण जवळा ता. लोहा जि. नांदेड च्या वतीने आयोजित चौथ्या राज्यस्तरीय जनहित ग्रामीण साहित्य संमेलनाच्या अध्यक्षपदी ज्येष्ठ साहित्यिका आणि नांदेड वाघाळा शहर महानगरपालिकेच्या माजी महिला व बालकल्याण सभापती प्रा.डॉ. ललिता शिंदे/बोकारे यांची निवड करण्यात आली असून त्यांच्या या निवडीचे साहित्य क्षेत्रातील मान्यवरांकडून उत्सफुर्त स्वागत करण्यात येत आहे.
ग्रामीण भागातील समाज जीवन साहित्यिक, विचारवंत, लोकप्रतिनिधी, प्रशासकिय अधिकारी, कर्मचारी यांनी प्रत्यक्ष ग्रमीण भागामध्ये येवून बघावे आणि त्यांच्या जीवनामध्ये बदल घडविण्यास सहकार्य करावे,मराठी भाषेचे संवर्धन व्हावे आणि वाचन चळवळ गतिमान व्हावी या उद्देशाने राजर्षी शाहू महाराज ग्रामीण विकास प्रतिष्ठाण जवळा ता. लोहा जि. नांदेड च्या वतीने दरवर्षी ग्रामीण भागामध्ये राज्यस्तरीय जनहित ग्रामीण साहित्य संमेलन आयोजित करण्यात येते. त्यानिमित्त ज्येष्ठ साहित्यिक देविदास फुलारी यांच्या मार्गदर्शनाखाली आणि ग्रामीण कवी प्रा. महेश मोरे यांच्या अध्यक्षतेखाली राजर्षी शाहू महाराज ग्रामीण विकास प्रतिष्ठाण जवळा ता. लोहा जि. नांदेड या संस्थेच्या वतीने घेण्यात येणार्या चौथ्या राज्यस्तरीय जनहित ग्रामीण साहित्य संमेलन अध्यक्षांच्या निवड समितीची बैठक रविवार 01 फेबु्रवारी रोजी पार पडली त्यामध्ये ग्रामीण भागाच्या व्यथा, वेदनांची मांडणी करुन त्यांचे जीवनमान उंचावण्यासाठी लेखणी झिजवणार्या तसेच पहिल्यांदा ग्रामीण साहित्य संमेलनाच्या अध्यक्षा महिला व्हाव्यात या हेतूने नांदेड जिल्ह्यातील मारकंड या गावात जन्मलेल्या ज्येष्ठ साहित्यिक प्रा. डॉ. ललिता शिंदे/बोकारे यांची सर्वानुमतेअध्यक्षपदी निवड करण्यात येवून संस्थेच्यावतीने त्यांना सन्मानपुर्वक निवड पत्र देण्यात आले. त्यांच्या या निवडीचे जिल्ह्यातील साहित्यिक मंडळींकडून अभिनंदन करण्यात येत आहे.
प्रा. डॉ. ललिता शिंदे/बोकारे यांची साहित्य संपदा
प्रा. डॉ. ललिता शिंदे/बोकारे यांचे मराठी साहित्यामध्ये मोठे योगदान असून त्यांचे त्यांचे शिक्षण एम.ए.(इतिहास, राज्यशास्त्र) बी.एड्., पी.एच.डी. असून त्यांचे मुक्तीगाचा काव्यसंग्रह (1996), छान छकुली काव्य संग्रह (2001), भूकंपाचे गाव काव्यसंग्रह (2003), जर असच रहिलं सुरु एकांकिका (2003),भावलीचे लगीन एकांकिका (2007), झीम पोरी झीम बालकवीता संग्रह (2009),पाउुस अक्षरांचा कविता संग्रह, क्रातीज्योती सावित्रीबाई ज्योतिराव फुले (चरित्र) (15 ऑगस्ट 2015) आदी साहित्य प्रकाशित झाले असून त्यांना जि.प. नादेंड चा गुरुगौरव आदर्श शिक्षिका पुरस्कार, राज्य शासनाचा पुण्यश्लोक अहिल्याबाई होळकर पुरस्कार, दलितमित्र पुरस्कार, जि.प. नांदेडचा व्यसनमुक्ती पहाट पुरस्कार आदी पुरस्कार प्राप्त्ा झाले आहेत
Post Views: 92
