शिवसेना उद्धव बाळासाहेब ठाकरे पक्षाचे आमदार भास्कर जाधव यांनी एकनाथ शिंदेंना मुंबईत शिवसेनेचा महापौर देण्यासाठी उद्धव ठाकरे यांच्या शिवसेनेला पाठिंबा देण्याचे आवाहन केले आहे. यंदाचे हे बाळासाहेबांचे जन्मशताब्दी वर्ष आहे. पण याचवर्षी बाळासाहेबांच्या शिवसेनेचा महापौर मुंबई महापालिकेवर असणार नाही. याविषयी माझ्या मनात प्रचंड दुःख आहे. त्यामुळे शिंदेंनी मुंबईत उद्धव ठाकरे यांना पाठिंबा द्यावा, असे ते म्हणालेत. भास्कर जाधव याविषयी पत्रकारांशी बोलताना म्हणाले, माझ्या मनात याविषयी प्रचंड दुःख आहे. हे बाळासाहेब ठाकरे यांच्या जन्मशताब्दीचे वर्ष आहे. त्याच वर्षी बाळासाहेबांच्या शिवसेनेचा महापौर मुंबई महापालिकेवर असणार नाही. याच्यासारखे दुःख नाही. म्हणून मी जे कुणी आम्ही बाळासाहेबांचे विचार पुढे घेऊन जात आहोत असे सांगतात, जे कुणी आम्हीच बाळासाहेबांचे खरे वारसदार असल्याचे सांगतात, त्या सर्वांना आवाहनवजा विनंती करतो की, हे बाळासाहेबांचे जन्मशताब्दी वर्ष आहे. आम्ही हे वृत्त सातत्याने अपडेट करत आहोत…
एकनाथ शिंदेंनी मुंबईत उद्धव ठाकरेंना पाठिंबा द्यावा:ठाकरे गटाच्या बड्या नेत्याचा शिंदे गटापुढे प्रस्ताव; मुंबईला शिवसेनेचा महापौर देण्याचे आवाहन
