पुण्यातील सदाशिव पेठेतील एका औषध वितरकाची ३ कोटी ५४ लाख रुपयांची फसवणूक झाल्याचा प्रकार उघडकीस आला आहे. या प्रकरणी एका महिलेसह तिच्या साथीदाराविरुद्ध विश्रामबाग पोलिसांनी गुन्हा दाखल केला आहे. सोनाली लक्ष्मण गिरीगोसावी (वय ४२, रा. अर्चना कोहिनूर ग्लोरी, महंमदवाडी, हडपसर) आणि जयेश वसंत जैन (वय ४१, रा. भक्ती पुजा अपार्टमेंट, गुलटेकडी) अशी गुन्हा दाखल झालेल्या आरोपींची नावे आहेत. या संदर्भात संबंधित औषध वितरकाने विश्रामबाग पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आरोपींनी २०२४ मध्ये तक्रारदार औषध वितरकाकडून ३ कोटी ५४ लाख रुपयांची औषधे खरेदी केली होती. ही औषधे खरेदी करताना त्यांनी पैसे नंतर देण्याचे आश्वासन दिले होते. मात्र, औषधे घेतल्यानंतर आरोपींनी पैसे परत केले नाहीत. फसवणूक झाल्याचे लक्षात आल्यानंतर वितरकाने नुकतीच पोलिसांकडे तक्रार दाखल केली. सहायक पोलीस निरीक्षक जानराव या प्रकरणाचा पुढील तपास करत आहेत. येवलेवाडीत सापडली एक लाखांची रोकड, वह्या अन लिफाफे खडीमशीन चौकात एका इनोव्हा गाडीतून व ब्रिझा गाडीतून भरारी पथकाला एक लाखांची रोकड (पाचशे रूपयांचे दोन बंडल) आणि लिफापे, वह्या असा मुद्देमाल मंगळवारी तपाणी दरम्यान सापडला. पुणे महापालिका सार्वतित्रक निवडणुकीच्या अनुषंगाने पेट्रोलिंग करून आचार संहितेचा भंग होत असल्यास कारवाई करण्याचे आदेश दिले होते. तया अनुषंगाने मंगळवारी रात्री येवलेवाडी परिसरात वेगवेगळी पथके तयार करून शोध घेत असताना पोलिसांना माहिती मिळाली होती. त्यानुसार ही कारवाई करण्यात आली. अपर पोलिस आयुक्त मनोज पाटील, उपायुक्त राजलक्ष्मी शिवणकर, सहायक पोलिस आयुक्त नम्रता देसाई, सहायक पोलिस आयुक्त अनुराधा उदमले, वरिष्ठ पोलिस निरीक्षक येवलेवाडी अमर काळंगे यांच्या मार्गदर्शनात भरारी पथकाने ही कारवाई केली.
सदाशिव पेठेत औषध वितरकाची साडेतीन कोटींची फसवणूक:महिलेसह साथीदाराविरुद्ध विश्रामबाग पोलिसांत गुन्हा दाखल
