अवैध मुरूम वाहतूक करणाऱ्या 19 हायवा जप्त; 11.02 कोटींचा मुद्देमाल, 38 जणांवर गुन्हा

नांदेड ग्रामीण पोलिसांची मोठी कारवाई

अवैध मुरूम वाहतूक करणाऱ्या 19 हायवा जप्त; 11.02 कोटींचा मुद्देमाल, 38 जणांवर गुन्हा

नांदेड (प्रतिनिधी):

नांदेड ग्रामीण पोलिसांनी अवैध मुरूम वाहतुकीविरोधात मोठी कारवाई करत 19 हायवा वाहने जप्त केली आहेत. या सर्व वाहनांमध्ये बिना महसूल भरलेला गौण खनिज (मुरूम) भरलेला असून, जप्त केलेल्या हायवांची एकूण किंमत 11 कोटी 2 लाख 95 हजार रुपये इतकी आहे.

ही कारवाई पोलीस उपअधिक्षक प्रशांत शिंदे यांच्या मार्गदर्शनाखाली करण्यात आली. नांदेड ग्रामीण पोलीस ठाण्याचे पोलीस निरीक्षक ओमकांत चिंचोळकर, सहाय्यक पोलीस निरीक्षक रेखा काळे, पोलीस उपनिरीक्षक व्यंकट कुसमे तसेच पोलीस अंमलदार हरीश मांजरमकर, रामकिशन मोरे, नितीन मुसळे, विनोद पवार, जायभाये, मारोती भंगे, विष्णु कल्याणकर, संतोष पवार आणि वसंत केंद्रे यांनी ही कारवाई यशस्वी केली.

असर्जन नाका ते भगतसिंघ रोडकडे जाणाऱ्या कौठा परिसरातील रस्त्यावर ही तपासणी करण्यात आली. तपासणीदरम्यान सर्व हायवांमध्ये वाहन क्षमतेपेक्षा अधिक वजनाचा मुरूम भरलेला आढळून आला. त्यामुळे रस्त्यावरून ये-जा करणाऱ्या प्रवाशांच्या जीवितास धोका निर्माण होऊ शकत होता.

🚛 जप्त हायवांची माहिती

अ) अशोक लीलँड – 10 हायवा

MH 40 CD 0639, MH 26 CN 9994, MH 40 CD 7159, GJ 13 AX 064, MH 26 CT 9994, MH 26 CH 3528, MH 40 CD 5959, MH 40 CD 7059, MH 40 CD 7959, MH 17 DA 9555

ब) भारत बेंझ – 5 हायवा

TG 15 T 4059, MH 40 DC 2672, MH 40 DC 2673, MH 40 DC 2761, MH 26 CH 3906

क) टाटा कंपनी – 4 हायवा

MH 12 YB 3337, MH 17 BY 6858, MH 26 CH 5161, MH 48 DO 6336

या प्रकरणात पोलीस अंमलदार वसंत बालाजी केंद्रे यांच्या तक्रारीवरून 19 चालक व 19 वाहनमालक अशा एकूण 38 जणांविरुद्ध नांदेड ग्रामीण पोलीस ठाण्यात गुन्हा क्रमांक 08/2026 दाखल करण्यात आला आहे.

अवैध खनिज वाहतूक रोखण्यासाठी पोलिसांचा कठोर पवित्रा कायम असून, पुढील तपास सुरू आहे.