दरोडेखोर जगन गुर्जरची तुरुंगात हत्या:त्याच्या दहशतीने गावात 10 वर्षे लग्ने झाली नाहीत, वसुंधराराजेंचा राजवाडा उडवून देण्याची दिली होती धमकी

राजस्थानच्या अजमेर येथील उच्च सुरक्षित तुरुंगात बंद चंबळचा कुख्यात दरोडेखोर जगन गुर्जर याची सोमवारी भरतपूरच्या कुलदीप जघीना हत्याकांडातील आरोपी विष्णूने पंचाने गळा आवळून हत्या केली. तो मार्च २०२६ पासून या तुरुंगात होता. सकाळी नाश्ता करताना दोघांमध्ये वाद झाल्याचे सांगितले जाते.

धौलपूर आणि चंबळच्या खोऱ्यातून उदयास आलेल्या जगनची राजस्थान, मध्य प्रदेश आणि यूपीमध्ये दहशत होती. त्याच्यावर हत्या, अपहरण, खंडणी आणि लुटीसह १०० हून अधिक गुन्हे दाखल होते. चंबळमध्ये ज्या ट्रकवर ‘जगन’ लिहिलेले असायचे, तो थांबवण्यास अधिकारीही घाबरायचे.

महिलांची विवस्त्र धिंड काढली

२०१९ मध्ये धौलपूरमध्ये दोन महिलांना मारहाण करून त्यांची विवस्त्र धिंड काढल्याच्या आरोपावरून जगन चर्चेत आला होता. २००८ च्या गुर्जर आरक्षण आंदोलनादरम्यान तत्कालीन मुख्यमंत्री वसुंधराराजे यांचा धौलपूरचा राजवाडा उडवून देण्याची धमकी त्याने दिली होती.

मेव्हण्याच्या मारेकऱ्यांना मारले

जगनने १९९४ मध्ये गुन्हेगारीत पाऊल ठेवले. त्याच्या दहशतीमुळे गावात १० वर्षे एकही लग्न झाले नव्हते. त्याचे वडीलही गाव सोडून गेले होते.