परभणीत मटका अड्ड्यांवर डीआयजी पथकाची धाड; 10 आरोपींवर गुन्हे दाखल

त्यानंतर कोतवाली पोलीस ठाण्याच्या हद्दीत स्मशानभूमी रोडवरील एम. आर. हॉटेल येथेही मटका बुकीवर कारवाई करण्यात आली. येथे 7 हजार 920 रुपयांची रोकड व 11 हजार रुपयांचे दोन मोबाईल जप्त करण्यात आले असून चार आरोपींवर गुन्हा दाखल करण्यात आला आहे. या दोन्ही कारवायांमध्ये एकूण 32 हजार 910 रुपयांची रोकड व मोबाईलसह 68 हजार 910 रुपयांचा मुद्देमाल जप्त करण्यात आला आहे. सर्व आरोपींविरुद्ध संबंधित पोलीस ठाण्यांमध्ये गुन्हे नोंदवून पुढील तपास सुरू आहे.

या कारवाईत पोलीस उपनिरीक्षक पंकज इंगळे यांच्यासह पोलीस अंमलदार प्रदीप खानसोळे,संजीव जिंकलवाड,गणेश धुमाळ आणि कामाजी गवळी  यांचा सहभाग होता. त्यांच्या या कामगिरीबद्दल पोलीस उपमहानिरीक्षकांनी पथकाचे कौतुक केले आहे. दरम्यान, अवैध व्यवसायांविरुद्ध माहिती देण्यासाठी खबर हेल्पलाईन (91 50 100 100) सुरू करण्यात आली असून नागरिकांनी याचा वापर करण्याचे आवाहन करण्यात आले आहे.