वाहतूक वळवली:समृद्धीवर टँकरमधून अमोनियम नायट्रेटची गळती; 5 तास कोंडी‎, मुंबईकडे जाणारी वाहने सिंदखेडराजात उतरवून जालन्यात पुन्हा महामार्गावर

.

मुंबईकडून नागपूरकडे जाणाऱ्या‎टँकरमधून (जीजे १२ बीवाय ८४००)‎सोमवारी सायंकाळी ६.४५ च्या सुमारास एका ‎‎रसायनाची गळती सुरू असल्याचे लक्षात‎आले. मंगळवारी सकाळी वाहतूक वळवली. ‎‎त्यामुळे वाहनांच्या रांगा लागल्या होत्या.‎

टँकर रस्त्याखाली, वाहतूक सुरळीत

जड वाहने वगळता इतर सर्व‎वाहने पर्यायी मार्गाने वळविण्यात आली. जड वाहने खाली उतरू शकत नसल्याने‎समृद्धीवरच होती. आता टँकर रस्त्याच्या खाली उतरवण्यात आला असून सध्या‎वाहतूक सुरळीत सुरू आहे. -रुपाली दरेकर, पोलिस अधीक्षक, महामार्ग सुरक्षा पथक

गळती न थांबल्याने वाहने वळवली‎

टँकरमधील अमोनियम नायट्रेट उष्णतेमुळे गरम‎होऊन द्रव पदार्थ बाहेर पडत होता. तेव्हा समृद्धी‎महामार्ग येथील अग्निशामक दलाने थंड पाण्याचा‎फवारा मारून टँकरची उष्णता कमी करण्यासाठी‎प्रयत्न केले. कंपनीच्या मुंबई येथील‎व्यवस्थापकांशी संपर्क केला. तेव्हा त्यांनी रात्रीचे‎वातावरण थंड झाल्यावर थंडावा निर्माण होईल,‎असे सांगितले. परंतु सोमवारी रात्रभर गळती न‎थांबल्याने मंगळवारी वाहतूक वळवली.‎

वाहतुकीचा मार्ग असा होता‎

नागपूरकडून मुंबईकडे जाणारी वाहने‎सिंदखेड राजा येथून खाली उतरवण्यात‎आली. जालना येथून पुन्हा समृद्धी‎महामार्गावर घेण्यात आली. मुंबईकडून‎नागपूरकडे जाणारी वाहने जालना येथून‎खाली घेऊन सिंदखेड राजामार्गे पुन्हा‎समृद्धी महामार्गावर सोडण्यात आली.‎काही काळ एका लेनवरूनच वाहतूक‎सुरू ठेवण्यात आली होती. मंगळवारी‎सकाळी १०.३० ते दुपारी ३.३० वाजेपर्यंत‎वाहतूक प्रभावित झाली होती.‎

सुरक्षा अधिकारी, बंब तैनात होते‎

मंगळवारी सायंकाळीही टँकरमधून गॅस गळती होत‎होती, परंतु टँकर रस्त्याच्या खाली उतरवण्यात‎आल्याने वाहतुकीला कोणताही धोका नव्हता.‎घटनास्थळावर अनुचित प्रकार घडू नये म्हणून‎अग्निशामक दल व सुरक्षा अधिकारी तैनात होते.‎

अमोनियम नायट्रेट ज्वलनशील‎नाही, संपर्काने मळमळ, डोकेदुखी‎

अमोनियम नायट्रेट हे एक रासायनिक संयुग‎आहे. ते पाण्यात अतिशय सहज विरघळते.‎उष्णतेच्या प्रभावाने विघटन होण्याची‎शक्यता असते. हे स्वतः ज्वलनशील नसले‎तरी इतर पदार्थांना जळण्यास मदत करते.‎याच्या संपर्कात आल्यास खसा खवखवणे,‎मळमळ, उलटी, डोकेदुखी असा त्रास होतो.‎तसेच रक्तदाबही कमी होऊ शकतो.‎‎