गडगा नदीच्या घाटात मका भरलेले वाहन उलटले; शेतकऱ्याचे नुकसान:गडगा नदीवरील पुलाचे काम रखडल्यामुळे नागरिकांनी व्यक्त केला असंताेष

.

गडगा नदीपात्रातील पुलाचे बांधकाम अनेक दिवसांपासून प्रलंबित, वाहतुकीची समस्या

प्रशासन आणखी किती दिवस वाट पाहणार? आज मका भरलेले वाहन नदीपात्रात कोसळले; सुदैवाने जीवितहानी झाली नाही. मात्र, उद्या अशी घटना घडली आणि एखाद्याचा जीव गेला, तर त्याची जबाबदारी कोण घेणार? हा प्रश्न आता केवळ एका शेतकऱ्याच्या नुकसानीपुरता मर्यादित राहिलेला नाही, तर संपूर्ण परिसरातील नागरिकांच्या सुरक्षिततेशी जोडला गेला आहे.सार्वजनिक बांधकाम विभागाने गडगा नदीवरील पुलाच्या बांधकामाची सद्यस्थिती स्पष्ट करावी, काम पूर्ण करण्याची निश्चित मुदत जाहीर करावी आणि तोपर्यंत घाट परिसरात आवश्यक सुरक्षा उपाययोजना कराव्यात, अशी मागणी स्थानिक नागरिकांकडून होत आहे.