पुणे मेट्रो कंपनीला सिमेंट व स्टिल पुरवठा करण्यासाठी भांडवल स्वरूपात गुंतवणुक केलयास चांगला नफा व परतावा देण्याचे अमिष दाखवून पावणे चार कोटींची फसवणूक केल्याचा धक्कादायक प्रकार समोर आला आहे. याप्रकरणी दोघांवर लोणी-काळभोर पोलिस ठाण्यात गुन्हा दाखल करण्यात आला आहे. संतोष सुरेश काकडे (रा. स्वप्नपुर्ती पार्क, राहीज वस्ती, लोणी काळभोर) आणि अतुल शामराव पवार (रा. खिलारवाडी, नळस्टॉप) अशी गुन्हा दाखल करण्यात आलेल्या दोघांची नावे आहेत. याबाबत प्रिती विनोद जैन / वैरागर (42, रा. कृषीतंत्र विद्यालय, मांजरी फार्म, मांजरी बुद्रुक, ता. हवेली, जि. पुणे) यांनी दिलेल्या तक्रारीवरून हा गुन्हा दाखल करण्यात आला आहे. हा सर्व प०कार 14 सप्टेंबर 2020 ते डिसेंबर 2024 दरम्यान राहींजवस्ती लोणी काळभोर येथे घडला. पोलिसांनी दिलेल्या माहितीनुसार, आरोपींनी फिर्यादी प्रिती जैन आणि त्यांचे पती यांना पुणे मेट्रो कंपनीला सिमेंट व स्टिल पुरवठा करण्यासाठी भांडवल स्वरूपात गुंतवणुक करण्याचे आमिष दाखविले. त्याम्धये चांगला नफा व परतावा देण्याचे सांगून तब्बल 3 कोटी 78 लाख रूपये घेतले. परंतु, एवढी मोठी गुंतवणुक केली असताना आरोपीने कोणताही परवाता दिली नाही. तसेच त्यांच्याकडे पैशाची मागणी केली असता आरोपींनी खोटा सावकारीचा गुन्हा दाखल करण्याची धमकी देऊन शिवीगाळ केली. याप्रकरणी लोणी काळभोर पोलिस ठाण्यात गुन्हा दाखल झाला असून पुढील तपास सहायक पोलिस निरीक्षक जाधव करत आहेत.
पुणे दाम्पत्याची पावणे चार कोटींची फसवणूक:मेट्रो पुरवठ्याच्या बहाण्याने गंडा; दोघांवर गुन्हा दाखल
