यशोदा हॉस्पिटल सिकंदराबाद मध्ये फुफ्फुसविकारांवर अत्याधुनिक उपचार सुविधा..!
उदगीर येथे तज्ज्ञ डॉक्टरांची माहिती; निदानापासून फुफ्फुस प्रत्यारोपणापर्यंत सर्वसमावेशक उपचार..!!
उदगीर : सिकंदराबाद येथील यशोदा हॉस्पिटलच्या फुफ्फुसविकार व अतिदक्षता विभागात श्वसनविकारांच्या अचूक निदानासह अत्याधुनिक उपचारांची सुविधा उपलब्ध आहे. गुंतागुंतीचे फुफ्फुसविकार तसेच गंभीर स्वरूपाच्या श्वसनविकारांवर आधुनिक वैद्यकीय तंत्रज्ञानाच्या साहाय्याने सर्वसमावेशक उपचार केले जात असल्याची माहिती विभागाचे सल्लागार फुफ्फुसविकार तज्ज्ञ डॉ. वाय. सोमा साई किरण यांनी उदगीर येथे झालेल्या पत्रकार परिषदेत दिली.
रुग्णांच्या आजाराचे अचूक निदान करण्यासाठी प्रगत फुफ्फुस कार्यक्षमता तपासणी, झोपेतील श्वसनविकारांचे परीक्षण, लवचिक व कठीण ब्रॉन्कोस्कोपी, ईबीयूएस (एंडोब्रॉन्कियल अल्ट्रासाऊंड), थोरॅकोस्कोपी, क्रायोबायोप्सी यांसारख्या आधुनिक निदान पद्धती उपलब्ध आहेत. तसेच श्वसनमार्गातील अडथळे दूर करण्यासाठी एअरवे स्टेंटिंग, गाठींचा आकार कमी करण्यासाठी ट्यूमर डिबल्किंग आणि फुफ्फुसांची कार्यक्षमता सुधारण्यासाठी पल्मोनरी रिहॅबिलिटेशनसारख्या उपचार सुविधाही येथे दिल्या जातात.
गंभीर रुग्णांसाठी स्वतंत्र श्वसन अतिदक्षता विभाग, अत्याधुनिक कृत्रिम श्वसनयंत्रांची सुविधा आणि गरजेनुसार ईसीएमओसारख्या प्रगत जीवनरक्षक उपचारांची व्यवस्था आहे. दमा, सीओपीडी, इंटरस्टिशियल लंग डिसीज, फुफ्फुसातील उच्च रक्तदाब, फुफ्फुसातील रक्तवाहिनीत रक्ताची गाठ निर्माण होणे, फुफ्फुसाचा कर्करोग, झोपेशी संबंधित श्वसनविकार, श्वसनमार्गाचे संसर्गजन्य आजार तसेच गंभीर श्वसनविकारांवर येथे उपचार केले जातात.
विशेष म्हणजे, यशोदा हॉस्पिटलमध्ये फुफ्फुस प्रत्यारोपणाची सुविधाही उपलब्ध आहे. प्रत्यारोपणापूर्वीची रुग्णाची तपासणी व वैद्यकीय मूल्यांकन, प्रत्यारोपणाची शस्त्रक्रिया, प्रत्यारोपणानंतरची देखभाल तसेच शरीराकडून प्रत्यारोपित फुफ्फुस नाकारले जात आहे का, याचे निरीक्षण अशा विविध सेवा एकाच ठिकाणी उपलब्ध आहेत. यासाठी फुफ्फुस प्रत्यारोपण तज्ज्ञ, छातीचे शल्यचिकित्सक, अतिदक्षता विभागातील तज्ज्ञ, प्रत्यारोपण समन्वयक आणि अन्य वैद्यकीय तज्ज्ञांची संयुक्त टीम कार्यरत आहे.
डॉ. वाय. सोमा साई किरण यांची उदगीर येथे सेवा…
डॉ. वाय. सोमा साई किरण हे यशोदा हॉस्पिटलमध्ये सल्लागार फुफ्फुसविकार व इंटरव्हेन्शनल पल्मोनोलॉजिस्ट म्हणून कार्यरत आहेत. त्यांनी महाराजा इन्स्टिट्यूट ऑफ मेडिकल सायन्सेस, विजयनगरम येथून एमबीबीएस, गुंटूर मेडिकल कॉलेजमधून एमडी आणि एम्स, रायपूर येथून फुफ्फुसविकार, अतिदक्षता व निद्राविज्ञान विषयातील डीएम पदवी पूर्ण केली आहे. ते दर महिन्याच्या पहिल्या बुधवारी उदगीर येथे रुग्णसेवेसाठी उपलब्ध असतात.
फुफ्फुसविकारांचे अचूक निदान, आधुनिक उपचारपद्धती, गंभीर रुग्णांसाठी अतिदक्षता सुविधा आणि फुफ्फुस प्रत्यारोपणाची उपलब्धता यामुळे यशोदा हॉस्पिटलमध्ये श्वसनविकारांच्या रुग्णांसाठी एकाच ठिकाणी व्यापक उपचार व्यवस्था उपलब्ध झाली आहे.
अधिक माहितीसाठी : किरण बंडे – ९१५४१६७९९७
