अमरावती विभाग शिक्षक मतदारसंघाच्या विधान परिषद निवडणुकीसाठी आतापर्यंत ६ उमेदवारांनी अर्ज दाखल केले आहेत. शनिवारी (३ ऑक्टोबर) ४ उमेदवारांनी आपले नामांकन भरले. रविवार, ४ ऑक्टोबर रोजी सुट्टी असल्याने अर्ज दाखल करता येणार नाहीत. शनिवारी अर्ज दाखल करणाऱ्यांमध्ये अशोक वामन हिवाळे (अपक्ष), दिलीप भीमराव कडू (अपक्ष), गाजी मोहम्मद जाहेरोश (वंचित बहुजन आघाडी) आणि आशिष मनोहर अंबुलकर (अपक्ष) यांचा समावेश आहे. ७ व्यक्तींनी १५ नामनिर्देशनपत्रांची उचलही केली. अर्ज दाखल करण्याची शेवटची तारीख ६ ऑक्टोबर आहे. ७ ऑक्टोबरला अर्जांची छाननी होईल, तर ९ ऑक्टोबरपर्यंत उमेदवारी अर्ज मागे घेता येतील. २३ ऑक्टोबर रोजी मतदान आणि २७ ऑक्टोबरला मतमोजणी होईल. निवडणूक प्रक्रिया ३१ ऑक्टोबरपूर्वी पूर्ण केली जाईल. आता उमेदवारी अर्ज दाखल करण्यासाठी केवळ सोमवार आणि मंगळवार (५ व ६ ऑक्टोबर) हे दोनच दिवस शिल्लक आहेत.