प्रवासी चोरी प्रकरणातील आरोपीला अटक
ऑपरेशन यात्री सुरक्षा अंतर्गत आणखी एका महत्त्वपूर्ण कारवाईत RPF च्या गुन्हे गुप्तवार्ता शाखा नांदेड आणि शासकीय रेल्वे पोलीस (GRP), नांदेड यांच्या संयुक्त पथकाने प्रवासी चोरी प्रकरणातील एका आरोपीला अटक केली.
सदर प्रकरण GRP/नांदेड गुन्हा क्र. ५६८/२०२५ अंतर्गत भारतीय न्याय संहिता (BNS), २०२३ च्या कलम ३०५(सी) अन्वये ६ नोव्हेंबर २०२५ रोजी नोंदविण्यात आले होते. या प्रकरणात एका महिला प्रवाशाची ५ ग्रॅम सोन्याचे दागिने आणि ₹५,००० रोख रक्कम असलेली जांभळ्या रंगाची हँडबॅग, एकूण सुमारे ₹२०,००० किमतीचा ऐवज चोरीस गेला होता. ही घटना हजूर साहिब नांदेड रेल्वे स्थानकावर उभ्या असलेल्या गाडी क्रमांक ०७०५४ जयपूर–काचिगुडा एक्सप्रेसच्या बी-२ डब्यात घडली होती.
१६ जुलै २०२६ रोजी प्रवासी चोरी रोखण्यासाठी व गुन्ह्यांचा तपास करण्यासाठी संशयित चोरट्यांवर पाळत ठेवत असताना CIB/D&I चे हेड कॉन्स्टेबल एम. जी. चौव्हाण, कॉन्स्टेबल अजीत सिंह, कॉन्स्टेबल कुंदन सिंह मीणा तसेच GRP नांदेडच्या कर्मचाऱ्यांच्या संयुक्त पथकाने हजूर साहिब नांदेड रेल्वे स्थानकाच्या प्लॅटफॉर्म क्रमांक १ वर संशयास्पद हालचाली करणाऱ्या किशनलाल (वय ४३ वर्षे), रा. पालम तालुका, परभणी जिल्हा याला ताब्यात घेतले.
सखोल चौकशीदरम्यान आरोपीने नोव्हेंबर २०२५ मध्ये संबंधित रेल्वेगाडीतून महिला प्रवाशाची हँडबॅग चोरल्याची कबुली दिली. त्यानंतर त्याला संबंधित गुन्ह्यात जोडून GRP, नांदेड यांनी विधिवत अटक केली. पुढील तपास आणि चोरीस गेलेल्या मालाच्या जप्तीसाठी आरोपीला न्यायालयात हजर करण्यात आले. मा. न्यायिक प्रथम वर्ग दंडाधिकारी, नांदेड यांनी आरोपीला १७ जुलै २०२६ पर्यंत दोन दिवसांची पोलीस कोठडी मंजूर केली.
बाल संरक्षण आणि प्रवासी सुरक्षेसाठी रेल्वे सुरक्षा दल व शासकीय रेल्वे पोलीस यांनी दाखविलेली सतर्कता, समन्वय आणि तत्परता प्रशंसनीय असून अशा यशस्वी कारवायांमुळे दक्षिण मध्य रेल्वेची प्रवासी सुरक्षा आणि बालकल्याणाप्रती असलेली बांधिलकी पुन्हा अधोरेखित झाली आहे.
