जिल्हा क्रीडा अधिकारी कार्यालय, अहिल्यानगर आणि अहिल्यानगर जिल्हा ऑलिम्पिक असोसिएशन यांच्या संयुक्त विद्यमाने आयोजित ‘४० प्लस’ वयोगटातील क्रीडा स्पर्धा नुकत्याच मोठ्या उत्साहात पार पडल्या. दोन दिवस चाललेल्या या महोत्सवात खेळाडूंनी वयाची पन्नाशी ओलांडल
.
या क्रीडा महोत्सवात क्रिकेट, फुटबॉल, व्हॉलीबॉल, बॅडमिंटन, स्विमिंग आणि पिकल बॉल यांसारख्या खेळांचा समावेश करण्यात आला होता. जिल्ह्याच्या विविध भागांतून आलेल्या ४० वर्षांपुढील खेळाडूंनी आपल्या कौशल्याचे प्रदर्शन केले. या स्पर्धेत क्रिकेट प्रकारात पन्हाळा स्ट्रायकर्सने प्रथम, रायगड किंग्सने द्वितीय तर राजगड कॅपिटलने तृतीय क्रमांक मिळवला. फुटबॉलमध्ये रायगड किंग्स प्रथम, प्रतापगड वॉरियर द्वितीय तर राजगड कॅपिटलने तृतीय क्रमांक मिळवला.
व्हॉलीबॉलमध्ये पन्हाळा स्ट्रायकर्सने प्रथम, तोरणा रॉयल्सने द्वितीय तर प्रतापगड वॉरियरने तृतीय क्रमांक मिळवला. बॅडमिंटन (डबल्स) प्रकारात रायगड किंग्स प्रथम तर राजगड कॅपिटलने द्वितीय क्रमांक मिळवला. पिकल बॉलमध्ये राजगड कॅपिटलने प्रथम तर प्रतापगड वॉरियर संघाने द्वितीय क्रमांक पटकावला.
पोहण्याच्या स्पर्धेतील रिले प्रकारात प्रथम तोरणा रॉयल्स, द्वितीय प्रतापगड वॉरियर, तृतीय रायगड किंग्सने यश मिळवले. ५० मीटर प्रकारात प्रथम सिंहगड लायन्स, द्वितीय राजगड कॅपिटल तर प्रतापगड वॉरियर संघाने तृतीय क्रमांक मिळवला. १०० मीटर प्रकारात सिंहगड लायन्स प्रथम, राजगड कॅपिटल द्वितीय तर तोरणा रॉयल्सने तृतीय क्रमांक मिळवला.
स्पर्धेचा बक्षीस वितरण सोहळा मान्यवरांच्या उपस्थितीत पार पडला. यावेळी प्रमुख पाहुणे म्हणून विजयसिंह मिस्कीन आणि अजय बारगळ उपस्थित होते. त्यांच्या हस्ते विजेत्या संघांना आणि खेळाडूंना ट्रॉफी व प्रशस्तीपत्र देऊन गौरविण्यात आले. कार्यक्रमाची सुरुवात प्राध्यापक संजय साठे यांनी स्वागतपर भाषणाने केली. स्पर्धेचे प्रास्ताविक शैलेश गवळी यांनी केले, तर कार्यक्रमाच्या शेवटी विजय म्हस्के यांनी आभार मानले. हा क्रीडा महोत्सव यशस्वी करण्यासाठी जिल्हा ऑलिम्पिक संघटनेचे सर्व पदाधिकारी आणि जिल्हा क्रीडा अधिकारी कार्यालयातील कर्मचाऱ्यांचे सहकार्य मिळाले.
