गेल्या ३८ वर्षांपासून छत्रपती संभाजीनगरच्या राजकारणात शिवसेनेचा वरचष्मा राहिला आहे. मोरेश्वर सावे यांच्या रूपाने १९८९ मध्ये शहराला पहिला महापौर देणाऱ्या शिवसेनेचे राजकारण आज एका महत्त्वाच्या वळणावर उभे आहे. पक्षात फुटीनंतर ही पहिलीच महापालिका निवडणूक
.
भाजपने ओबीसी आणि मायक्रो ओबीसी मतदारांवर आपले लक्ष केंद्रित केले आहे. अनेक सर्वसाधारण जागांवरही भाजपने ओबीसी उमेदवार दिले आहे. याला प्रत्युत्तर म्हणून शिंदेसेनेने पारंपरिक ओबीसी मतांसोबतच मराठा आणि मागासवर्गीय मतदारांना जवळ करण्याचा प्रयत्न सुरू केला आहे. जिल्ह्यात शिवसेनेचे ६ पैकी ३ आमदार मराठा आहेत. लोकसभा निवडणुकीत संदिपान भुमरे यांना मराठा समाजाने दिलेली साथ हीच किमया पुन्हा या निवडणुकीत घडवून आणण्याचा प्रयत्न पक्ष करत आहे.
‘सामाजिक न्याय’चा निधी
व्यूहरचनेचा दुसरा महत्त्वाचा भाग म्हणजे आमदार संजय शिरसाट यांच्याकडे असलेल्या समाजिक न्याय विभागाच्या माध्यमातून मागील काही महिन्यांत स्थानिक संस्थांना मोठ्या प्रमाणावर निधी वाटप करण्यात आला. अनेक बुद्धविहार उभारण्यात आले. शहरात सुमारे ४ लाख मागासवर्गीय मतदार असून आतापर्यंत या समाजातून १५ पेक्षा जास्त नगरसेवक निवडून येत असत. प्रभाग रचनेमुळे या वसाहती विभागल्या गेल्या आहेत. त्यामुळे केवळ मागासवर्गीय मतांवर निवडून येणे कठीण आहे, पण ही मते विजयासाठी निर्णायक ठरणार आहेत. हे लक्षात घेऊन शिरसाट यांच्या माध्यमातून या मतदारांना एकत्र आणण्याचा शिंदेसेनेचा प्रयत्न सुरू आहे.
