भारताने 600 वी कसोटी जिंकली, श्रीलंकेचा 165 धावांनी पराभव:मानव सुथारचे सामन्यात 10 बळी; देवदत्त पडिक्कलची सेंच्युरी

भारताने श्रीलंकेचा १६५ धावांनी पराभव करून आपला ६०० वा कसोटी विजय नोंदवला आहे. ३७२ धावांच्या आव्हानाचा पाठलाग करताना श्रीलंकेच्या संघाने दुसऱ्या डावात सर्वबाद २०६ धावा केल्या. या सामन्यात १० बळी घेणारा मानव सुथार भारताच्या विजयाचा शिल्पकार ठरला. सुथारने दुसऱ्या डावात ६ बळी घेतले. त्याने एकाच षटकात तीन बळी घेत श्रीलंकेचा डाव गुंडाळला. सुथारने आधी सोनल दिनुशाला ८४ धावांवर बाद केले. त्यानंतर प्रभात जयसूर्याला पहिल्याच चेंडूवर त्रिफळाचीत केले आणि पुढच्याच चेंडूवर लाहिरू कुमाराला ऋषभ पंतकरवी झेलबाद केले. भारताने पहिल्या डावात ४६२ धावा केल्या होत्या. त्यात देवदत्त पडिक्कलने १६७ धावांची शानदार खेळी केली होती. त्यानंतर मैदानात उतरलेल्या श्रीलंकेच्या संघाला २८४ धावाच करता आल्या. भारताने दुसऱ्या डावात १९३ धावा केल्या आणि श्रीलंकेसमोर विजयासाठी ३७२ धावांचे आव्हान ठेवले. सामन्याचे स्कोअरकार्ड गॉल कसोटीशी संबंधित अपडेट्स खालील ब्लॉगमध्ये वाचा…