पुणे शहरातील ओैंध परिसरातील एका वस्त्रदालनातून साड्या, तसेच अन्य साहित्य असा दीड लाख रुपयांचा मुद्देमाल चोरून नेण्यात आल्याचा प्रकार उघडकीस आला. याप्रकरणी एका कामगार महिलेविरुद्ध गुन्हा दाखल करण्यात आला आहे. बालेवाडी भागातील हायस्ट्रीट परिसरात असलेल्
.
याबाबत एका महिलेने चतु:शृंगी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, एका कामगार महिलेविरुद्ध गुन्हा दाखल करण्यात आला आहे. पोलिसांनी दिलेल्य माहितीनुसार, तक्रारदार महिलेचे आशिष रेसीडन्सी सोसायटीत तळमजल्यावर वस्त्रदालन (बुटीक) आहे. या दालनात काम करणाऱ्या महिलेने गेल्या काही महिन्यात साड्या, तसेच अन्य साहित्य चोरून नेले. तक्रारदार महिलेच्या लक्षात हा प्रकार आल्यानंतर त्यांनी नुकतीच पोलिसांकडे तक्रार दिली. पोलीस कर्मचारी एन शिर्के पुढील तपास करत आहेत.
बालेवाडीतील सदनिकेत चोरी
बालेवाडीतील हायस्ट्रीट परिसरातील एका सदनिकेत काम करणाऱ्या महिलांनी एका लाख ८० हजार रुपयांचे सोन्याचे दागिने चोरून नेल्याची घटना घडली. याबाबत एका महिलेने बाणेर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, दोन महिलांविरुद्ध गुन्हा दाखल करण्यात आला आहे. आरोपी महिला तक्रारदार महिलेकडे घरकामाला होत्या. तक्रारदार महिलेचे लक्ष नसल्याची संधी साधून शयनगृहातील कपाटातून एक लाख ८० हजारांचे दागिने चोरून नेले. सहायक पोलीस निरीक्षक एस रायकर तपास करत आहेत.
