पुणे येथील महिला सहायक पोलीस निरीक्षक अडकली  २८ लाखांच्या लाच जाळ्यात 

नशिबाचा फेरा! ‘कायद्याच्या रखवालदार’च लाचजाळ्यात — पुणे पोलिसांत खळबळ

पुणे (प्रतिनिधी)- नशिब कधी कोणावर कसा पलटी मारेल याचा अंदाज कुणालाच नसतो… कालपर्यंत गुन्हेगारांना कायद्याचा धाक दाखवणारी अधिकारीच आज कायद्याच्या जाळ्यात अडकली आणि पुणे पोलिस दलात एकच खळबळ उडाली.पुणे शहर पोलिस दलातील महिला सहाय्यक पोलीस निरीक्षक वैशाली तोटेवाड यांना तब्बल २८ लाख रुपयांची लाच स्वीकारताना लाचलुचपत प्रतिबंधक विभागाने रंगेहात पकडल्याची धक्कादायक घटना समोर आली आहे. गुन्हेगारांना पकडणारेच पकडले गेले अशी चर्चा सध्या पोलिस वर्तुळात रंगली आहे.

हॉटेलजवळ रंगला सापळा

मिळालेल्या माहितीनुसार, बंड गार्डन रस्त्यावरील हॉटेल कॉन्नाड परिसरात लाच स्वीकारण्याचा व्यवहार ठरला होता. तक्रारदाराकडून मोठ्या रकमेची मागणी झाल्यानंतर लाचलुचपत प्रतिबंधक विभागाने सापळा रचला. नियोजनाप्रमाणे एक खाजगी व्यक्तीमार्फत पैसे देण्यात आले आणि व्यवहार सुरू होताच अधिकाऱ्यांनी कारवाई करत २८ लाख रुपयांसह आरोपी महिला अधिकाऱ्याला ताब्यात घेतले. काही क्षणांतच परिसरात पोलिस वाहनांची गर्दी झाली आणि उपस्थित नागरिकांमध्ये मोठी उत्सुकता निर्माण झाली.

बढती, बदली आणि अचानक वळलेले नशीब

वैशाली तोटेवाड यांची अलीकडेच पोलीस निरीक्षक पदावर बढती झाली होती. पुणे पोलीस आयुक्तालयातील आर्थिक विभागात काम पाहिल्यानंतर त्यांची बदली मुंबई लोहमार्ग पोलिसांकडे करण्यात आली होती.कारकिर्दीचा आलेख वर चढत असतानाच अचानक आलेल्या या कारवाईने त्यांच्या सेवाजिवनावर मोठा प्रश्नचिन्ह उभा केला आहे. बढतीनंतर नशिबाची दिशा बदलली अशी कुजबुज पोलिस मुख्यालयात सुरू आहे.

तक्रारीतून उघड झाले प्रकरण

सूत्रांच्या माहितीनुसार, एका तक्रार अर्जाच्या चौकशीदरम्यान संबंधित अधिकाऱ्यांकडून मोठ्या रकमेची मागणी करण्यात आली होती. चौकशी सुलभ करण्यासाठी तब्बल २८ लाख रुपयांची मागणी झाल्याचा आरोप तक्रारदाराने केला. यानंतर तक्रारदाराने थेट लाचलुचपत प्रतिबंधक विभागाकडे धाव घेतली आणि संपूर्ण कारवाईचे नियोजन करण्यात आले. सापळा यशस्वी ठरला आणि व्यवहाराच्या वेळीच अधिकारी जाळ्यात अडकल्या.

कार्यालय आणि घराची झाडाझडती सुरू

या घटनेनंतर लाचलुचपत प्रतिबंधक विभागाने कारवाईचा वेग वाढवत पुणे पोलीस आयुक्तालयातील त्यांच्या कार्यालयाची झाडाझडती सुरू केली आहे. त्याचबरोबर त्यांच्या निवासस्थानीही तपास पथक पोहोचले असून कागदपत्रे, आर्थिक व्यवहार आणि मालमत्तेची तपासणी सुरू आहे.अधिकाऱ्यांच्या संपत्तीबाबतही तपास सुरू असून उत्पन्नापेक्षा अधिक मालमत्ता आहे का याची छाननी केली जात आहे.झी एव्हढी मोठी लाच कोणासाठी होती हा प्रश्न सुद्धा महत्वपूर्ण आहे.कारण वैशाली तोटेवाड यांची पदोन्नतीवर बदली झाल्याने त्या स्वाक्षरी तर करणारच नाहीत ना?

पोलिस दलात चर्चांचा पूर

ही घटना समोर आल्यानंतर पुणे पोलिस दलात आश्चर्य व्यक्त केले जात आहे. कायद्याची अंमलबजावणी करणारे अधिकारीच जर नियम मोडताना आढळले तर सामान्य नागरिकांनी कोणावर विश्वास ठेवायचा? असा सवाल नागरिकांकडून उपस्थित होत आहे.काही सहकाऱ्यांनी या घटनेबद्दल आश्चर्य व्यक्त करत “कडक अधिकारी म्हणून ओळख असलेल्या व्यक्तीबाबत अशी बातमी येईल, यावर विश्वास बसत नाही,” अशी प्रतिक्रिया दिली.

व्यंगात्मक वास्तव : शिकारीच शिकार झाला

ही घटना म्हणजे नशिबाचा भन्नाट फेरा असल्याची चर्चा रंगली आहे. कालपर्यंत आरोपींना चौकशीला बसवणारी अधिकारी आज स्वतः चौकशीसमोर उभी राहिली आहे.ज्यांच्या टेबलावर लोक न्याय मागायला येत होते, त्यांच्याच टेबलावर आता तपास अधिकाऱ्यांची फाईल पोहोचली आहे. कायद्याचा डंडा फिरवणाऱ्यांनाच कायद्याचा फटका बसल्याने सोशल मीडियावरही व्यंगात्मक प्रतिक्रिया उमटत आहेत.

कारवाई अजून सुरूच

लाचलुचपत प्रतिबंधक विभागाने संबंधित अधिकाऱ्याविरोधात गुन्हा दाखल करण्याची प्रक्रिया सुरू केली असून पुढील चौकशी सुरू आहे. आर्थिक व्यवहार, संपर्क आणि संभाव्य सहकारी यांची माहिती गोळा केली जात आहे. या प्रकरणात आणखी काही धक्कादायक बाबी समोर येण्याची शक्यता अधिकाऱ्यांनी व्यक्त केली आहे.

शेवटी… नशिबाचा धडा

कायद्याच्या वर्दीत सत्ता, अधिकार आणि जबाबदारी येते; पण त्याचबरोबर पारदर्शकतेची कसोटीही असते. नशिबाचा फेरा कधी कोणाला आरोपीच्या पिंजऱ्यात उभे करेल, सांगता येत नाही आणि पुण्यातील ही घटना त्याचाच जिवंत नमुना ठरली आहे.

कालपर्यंत चौकशी करणारी अधिकारी… आज स्वतःच चौकशीचा विषय!