‘खेलो इंडिया’च्या माध्यमातून खेळ ग्रामीण भागातील गावागावांत पोहोचला आहे. त्यामुळे ग्रामीण खेळाडूंना राष्ट्रीय आणि आंतरराष्ट्रीय स्तरावर गुणवत्ता दाखवण्याची संधी मिळत आहे, असे मुख्यमंत्री देवेंद्र फडणवीस म्हणाले. श्री शिवछत्रपती क्रीडा संकुल, म्हाळुंगे-बालेवाडी येथे ४१ व्या युवा राष्ट्रीय बास्केटबॉल अजिंक्यपद स्पर्धेचा (मुख्यमंत्री चषक) समारोप झाला. या वेळी फडणवीस बोलत होते. कार्यक्रमाला आमदार विक्रांत पाटील, आमदार शंकर जगताप, महापालिका आयुक्त नवल किशोर राम, क्रीडा आयुक्त दीपक सांगला, बास्केटबॉल फेडरेशन ऑफ इंडियाचे सचिव सुबिंदर सिंह गिल आणि महाराष्ट्र राज्य बास्केटबॉल संघटनेचे अध्यक्ष संदीप जोशी उपस्थित होते. बालेवाडीतील क्रीडा संकुल महाराष्ट्राच्या क्रीडा क्षेत्रात महत्त्वाची भूमिका बजावत असल्याचे फडणवीस म्हणाले. ‘खेलो इंडिया’ स्पर्धांमध्ये महाराष्ट्राचे खेळाडू सातत्याने पदके मिळवत आहेत. राज्य सरकारने ‘मिशन लक्ष्यवेध’च्या माध्यमातून विविध खेळांसाठी उत्कृष्ट प्रशिक्षण देणारी केंद्रे सुरू केली आहेत. बास्केटबॉल महाराष्ट्रातील लोकप्रिय खेळ असून, राज्याने देशाला अनेक दर्जेदार खेळाडू दिले आहेत, असे त्यांनी सांगितले. राष्ट्रीय स्पर्धांमुळे खेळाडूंना अनुभव आणि राष्ट्रीय स्तरावर खेळण्याची संधी मिळते. महाराष्ट्र बास्केटबॉल संघटनेने स्पर्धेचे चांगले आयोजन केल्याचा त्यांनी उल्लेख केला. आशियाई क्रीडा स्पर्धेत भारताने ४८ पदके मिळवली. १७ राज्यांतील खेळाडूंनी पदके जिंकली, असे फडणवीस म्हणाले. कबड्डी, नेमबाजी आणि तिरंदाजीमध्ये सामान्य कुटुंबांतील खेळाडूंनी प्रतिकूल परिस्थितीवर मात करून यश मिळवले. खेळाडूंची परिस्थिती नव्हे, तर जिद्द, मेहनत आणि खेळाप्रती निष्ठा महत्त्वाची असते, असे त्यांनी सांगितले. फडणवीस यांनी विजेत्या आणि सहभागी संघांचे अभिनंदन केले. महाराष्ट्राचा संघ यंदा अंतिम फेरीपर्यंत पोहोचू शकला नाही, तरी निराश होण्याचे कारण नाही. खेळात जय-पराजय होत असतो आणि पुढील स्पर्धेत चांगली कामगिरी करण्याची संधी मिळेल, असे ते म्हणाले. खेळाडूंमध्ये जिद्द, महत्त्वाकांक्षा आणि खिलाडूवृत्ती असणे महत्त्वाचे आहे. पराभवानंतरही प्रयत्न सुरू ठेवणारे खेळाडू भविष्यात विजयी होतात, असेही त्यांनी सांगितले. विविध राज्यांतील संघांच्या सहभागातून भारताचे वैविध्य आणि एकात्मता दिसते. दक्षिण आणि उत्तर भारतातील खेळाडू एकत्र येऊन देशाच्या क्रीडा क्षेत्राचा गौरव वाढवत आहेत, असे फडणवीस म्हणाले. कुलविंदर सिंग गिल म्हणाले, महाराष्ट्र राज्य बास्केटबॉल संघटनेच्या माध्यमातून राज्यातील मुला-मुलींच्या संघांची राष्ट्रीय स्तरावरील कामगिरी सातत्याने उंचावत आहे. खेळाडू राष्ट्रीय पदके मिळवण्यासोबतच आंतरराष्ट्रीय स्तरावरही देशाचे प्रतिनिधित्व करत आहेत. What do you feel about this post? 0% Like 0% Love 0% Happy 0% Haha 0% Sad 0% Angry Views: 5 Facebook WhatsApp Twitter/X LinkedIn Post navigation राष्ट्रवादीच्या देवगिरीवरील बैठकीत 32 आमदारांची उपस्थिती:पार्थ पवारांच्या कार्यपद्धतीवर नाराजी, अर्थमंत्रीपदावरही चर्चा फेरफार नोंदींतील अनियमिततेप्रकरणी तलाठी निलंबित:अमरावतीचे संतोष गणेशराव चपटे यांच्यावर जिल्हाधिकारी आशिष येरेकर यांची कारवाई
