Fridge Safety Tips | उन्हाळ्यात फ्रिजचा वापर करताय? तर मग ‘या’ गोष्टींमुळे होऊ शकतो स्फोट

Fridge Safety Tips | उन्हाळा सुरू झाला की घरातील फ्रिजचा वापर मोठ्या प्रमाणात वाढतो. अन्न ताजं ठेवण्यासाठी आणि थंड पाणी मिळवण्यासाठी फ्रिज आवश्यक असतो. मात्र, योग्य देखभाल न केल्यास हाच फ्रिज धोकादायक ठरू शकतो. काही प्रकरणांमध्ये ओव्हरहिटिंग, गॅस लीक किंवा तांत्रिक बिघाडामुळे स्फोट होण्याची शक्यता देखील निर्माण होते.

फ्रिज योग्य प्रकारे चालण्यासाठी स्थिर वीजपुरवठा आवश्यक असतो. वारंवार वोल्टेज कमी-जास्त झाल्यास कूलिंग सिस्टमवर ताण येतो. त्यामुळे ओव्हरहिटिंग होऊन गंभीर बिघाड होऊ शकतो. शक्य असल्यास स्टॅबिलायझरचा वापर करा. (Summer Appliance Care)

फ्रिजमध्ये जास्त बर्फ साचणं हे सिस्टम नीट काम करत नसल्याचं संकेत असू शकतं. अशा वेळी वेळोवेळी डीफ्रॉस्ट करणे अत्यंत गरजेचे आहे. यामुळे मशीनवरील ताण कमी होतो.

Fridge Safety Tips | ओरिजनल पार्टच वापरा :

फ्रिज खराब झाल्यास स्वस्त किंवा बनावट पार्ट वापरणे टाळा. विशेषतः कॉम्प्रेसर सारख्या महत्त्वाच्या भागासाठी नेहमी कंपनीचेच ओरिजनल पार्ट वापरणे सुरक्षित ठरते. चुकीचे पार्ट वापरल्यास गॅस गळती किंवा स्फोटाचा धोका वाढतो.

फ्रिज दीर्घकाळ बंद असेल तर पुन्हा सुरू करताना थोडा वेळ द्या. अचानक लोड आल्याने सिस्टमवर परिणाम होतो. सतत चालू-बंद केल्यानेही बिघाड होऊ शकतो.

तापमान आणि व्हेंटिलेशन महत्त्वाचे :

फ्रिजचे तापमान खूप कमी ठेवणे टाळा. यामुळे कूलिंग सिस्टमवर अतिरिक्त ताण येतो. तसेच फ्रिजभोवती हवा खेळती राहील याची काळजी घ्या. योग्य व्हेंटिलेशन नसल्यास गॅस साचू शकतो आणि आग किंवा स्फोटाचा धोका वाढतो. (Refrigerator Blast Prevention)

उन्हाळ्यात थोडी काळजी घेतल्यास मोठे अपघात टाळता येऊ शकतात. त्यामुळे फ्रिजचा वापर करताना सुरक्षिततेच्या या सोप्या पण महत्त्वाच्या गोष्टी नक्की लक्षात ठेवा.