Richest CM In India | देशातील श्रीमंत मुख्यमंत्र्यांमध्ये कोण आघाडीवर? नावं आली समोर
Richest CM In India | भारतातील राजकारण्यांच्या संपत्तीबाबत नेहमीच उत्सुकता असते. निवडणुकीवेळी सादर करण्यात येणाऱ्या प्रतिज्ञापत्रांमधून त्यांच्या मालमत्तेची माहिती सार्वजनिक होत असते. अलीकडेच कर्नाटकच्या मुख्यमंत्रीपदाची धुरा सांभाळणारे डी. के. शिवकुमार (D. K. Shivakumar) यांच्या संपत्तीची चर्चा पुन्हा एकदा रंगली असून, देशातील सर्वाधिक संपत्ती असलेल्या मुख्यमंत्र्यांच्या यादीकडे लक्ष वेधले गेले आहे.
निवडणूक प्रतिज्ञापत्रानुसार डी. के. शिवकुमार (D. K. Shivakumar) यांची एकूण घोषित मालमत्ता 1400 कोटी रुपयांपेक्षा अधिक आहे. त्यामुळे ते देशातील सर्वात श्रीमंत मुख्यमंत्र्यांपैकी एक मानले जातात. त्यांच्या पाठोपाठ आंध्र प्रदेशचे मुख्यमंत्री एन. चंद्राबाबू नायडू (N. Chandrababu Naidu) यांचे नाव घेतले जाते. त्यांच्या प्रतिज्ञापत्रातील माहितीनुसार त्यांची संपत्ती सुमारे 931 कोटी रुपये असून त्यात स्थावर मालमत्ता, विविध गुंतवणुका आणि इतर आर्थिक मालमत्तांचा समावेश आहे.
या यादीत तामिळनाडूचे मुख्यमंत्री चंद्रशेखरन जोसेफ विजय (Chandrasekaran Joseph Vijay) यांचाही समावेश आहे. त्यांची अंदाजे संपत्ती 603 कोटी रुपये असल्याचे नमूद करण्यात आले आहे. चित्रपटसृष्टीतून मिळालेल्या उत्पन्नामुळे त्यांनी मोठी आर्थिक संपत्ती उभी केली आहे. त्यानंतर अरुणाचल प्रदेशचे मुख्यमंत्री पेमा खांडू (Pema Khandu) यांचे नाव येते. त्यांच्या निवडणूक प्रतिज्ञापत्रानुसार त्यांची एकूण मालमत्ता सुमारे 332 कोटी रुपये आहे.
Richest CM In India | प्रतिज्ञापत्रांमधून समोर येते संपत्तीचे चित्र :
नागालँडचे मुख्यमंत्री नेफियू रिओ (Neiphiu Rio) हे देखील देशातील संपन्न मुख्यमंत्र्यांमध्ये गणले जातात. 2023 च्या विधानसभा निवडणुकीदरम्यान दाखल केलेल्या प्रतिज्ञापत्रानुसार त्यांची घोषित मालमत्ता जवळपास 46.95 कोटी रुपये आहे. त्यानंतर मध्य प्रदेशचे मुख्यमंत्री मोहन यादव (Mohan Yadav) यांचे नाव येते. त्यांच्या मालकीची जंगम आणि स्थावर मालमत्ता, गुंतवणूक तसेच व्यावसायिक हितसंबंध धरून त्यांची संपत्ती सुमारे 42 कोटी रुपये असल्याचे नमूद करण्यात आले आहे.
मुख्यमंत्री आणि इतर लोकप्रतिनिधींना निवडणुकीवेळी मालमत्तेचा तपशील जाहीर करणे बंधनकारक असते. या प्रतिज्ञापत्रांमध्ये जमीन-जुमला, बँक ठेवी, शेअर्स, गुंतवणूक, वाहने तसेच कर्ज आणि दायित्वांची माहिती दिलेली असते. त्यामुळे अशा आकडेवारीच्या आधारे देशातील श्रीमंत राजकारणी आणि मुख्यमंत्र्यांच्या याद्यांवर वेळोवेळी चर्चा होत असते.
