12 वीच्या विद्यार्थ्यांची प्रतीक्षा संपली!:2 तारखेला होणार निकाल जाहीर, जाणून घ्या कधी आणि कुठे पाहायचा रिझल्ट?

महाराष्ट्र राज्य माध्यमिक आणि उच्च माध्यमिक शिक्षण मंडळाचा 12वीचा निकाल 2 मे 2026 रोजी जाहीर होणार असून, गेल्या अनेक दिवसांपासून निकालाची प्रतीक्षा करणाऱ्या लाखो विद्यार्थ्यांची ही उत्सुकता आता संपणार आहे. बोर्डाच्या परंपरेनुसार, निकालाच्या एक दिवस आधी अधिकृत सूचना जारी केली जाते आणि त्यानुसार 2 मे रोजी सकाळी 11 वाजता मंडळाची पत्रकार परिषद पार पडणार आहे. या परिषदेत निकालाची अधिकृत घोषणा झाल्यानंतर, दुपारी 1 वाजता बोर्डाच्या वेबसाइटवर निकालाची लिंक सक्रिय केली जाईल, जिथून विद्यार्थ्यांना आपला निकाल ऑनलाइन पाहता येईल. कुठे पाहायचा निकाल? महाराष्ट्र बोर्डाचा इयत्ता 12वीचा निकाल आता पूर्णपणे तयार असून विद्यार्थ्यांनी ताज्या अपडेट्ससाठी दररोज अधिकृत संकेतस्थळांना भेट देणे आवश्यक आहे. विद्यार्थ्यांना आपला निकाल ‘mahahsscboard.in’ या अधिकृत वेबसाइटवर पाहता येईल. त्यासाठी वेबसाइटवरील “एचएससी परीक्षा निकाल 2026” या लिंकवर क्लिक करून आपला आसन क्रमांक आणि आईचे नाव अचूकपणे प्रविष्ट करावे लागेल. या सोप्या पायऱ्यांचे अनुसरण करून “निकाल पहा” या पर्यायावर क्लिक करताच विद्यार्थ्यांना त्यांचा स्कोअरकार्ड सहजपणे ऑनलाइन तपासता येईल. कसा पाहायचा निकाल? इयत्ता 12वीचा निकाल पाहण्यासाठी विद्यार्थ्यांनी mahahsscboard.in, mahresult.nic.in आणि hscresult.mkcl.org या अधिकृत संकेतस्थळांचा वापर करावा. निकाल जाहीर होताच लाखो विद्यार्थी एकाच वेळी लॉगिन करत असल्याने वेबसाईट मंदावण्याची शक्यता असते. अशा वेळी ब्राउझरचा कॅशे साफ करणे, एकाच वेळी विविध टॅबमध्ये वेगवेगळ्या वेबसाईट उघडून ठेवणे किंवा काही वेळाने पुन्हा प्रयत्न करणे सोयीचे ठरेल. निकाल जाहीर झाल्यानंतर विद्यार्थ्यांनी भविष्यातील संदर्भासाठी आपली गुणपत्रिका डाऊनलोड करून घ्यावी किंवा तिची प्रिंट काढून सुरक्षित ठेवावी.