तलवाडा भक्तीचे केंद्र- पंढरीनाथ महाराज पगार:तलवाडा येथे प्रभू श्रीराम, शनेश्वर महाराज मंदिराचे भूमिपूजन उत्साहात
वैजापूर तालुक्यातील तलवाडा येथे प्रभू श्रीराम व शनेश्वर महाराज मंदिराच्या उभारणीसाठी भूमिपूजन सोहळा संत-महंतांच्या पवित्र उपस्थितीत उत्साहात पार पडला. याप्रसंगी धार्मिक वातावरणात मंत्रोच्चार व पूजा-अर्चा करण्यात आली. यावेळी संत-महंतांनी धर्म, श्रद्धा आणि सामाजिक एकतेचे महत्त्व अधोरेखित केले. मंदिराच्या उभारणीमुळे गावाच्या धार्मिक आणि सांस्कृतिक विकासाला चालना मिळणार आहे. यावेळी पंढरीनाथ महाराज म्हणाले की, तलवाडा हे गाव भक्तीचे केंद्र असून अन्नदान व ज्ञानदानाची अखंड सेवा देणारे भक्तीचे केंद्र म्हणून ओळखले जात असून येथे धार्मिक व सामाजिक उपक्रम राबवले जात आहेत. महाराज कोणत्याही पगाराच्या अपेक्षेशिवाय निःस्वार्थ भावनेतून समाजसेवा करत आहेत. नियमित अन्नदान व ज्ञानदान यासारखे उपक्रम सुरू असून, गरजूंना अन्नाची मदत तसेच तरुण पिढीला आध्यात्मिक व नैतिक शिक्षण दिले जात आहे. यावेळी मधुसुधन महाराज, पंढरीनाथ महाराज, सारंधर महाराज, सर्वानंदगिरी महाराज, ज्ञानेश्वर महाराज मधाने, चंद्रभान दादा महाराज, पांडुरंग महाराज, रवी महाराज, पुरुषोत्तम महाराज चांगदेव महाराज, भागीनाथ मगर, राजेंद्र मगर, जनार्दन मगर, हरीभाऊ मगर, काशीनाथ मगर, जयराम मगर, भाऊसाहेब मगर, दादाभाऊ मगर, किशोर मगर, रवी मगर यांच्यासह गावकरी संख्येने उपस्थित होते. सूत्रसंचालन राजेंद्र मगर यांनी केले. भागीनाथ मगर यांनी प्रास्ताविक केले तर आभार भाऊसाहेब मगर यांनी मानले. उपक्रमामुळे एकात्मता, श्रद्धा आणि संस्कारांची जोपासना उपक्रमामुळे एकात्मता, श्रद्धा आणि संस्कारांची जोपासना होत आहे. गावातील नागरिक श्रद्धेने या कार्यात सहभागी होत असून तलवाडा गावाचे कार्य समाजासाठी प्रेरणादायी ठरत आहे.
वार्ताहार/प्रतिनिधी
