नांदेडमध्ये खळबळ! जिल्हा आरोग्य अधिकारी डॉ. संगीता देशमुख निलंबित
नांदेड जिल्हा परिषदेच्या जिल्हा आरोग्य अधिकारी डॉ. संगीता देशमुख यांना गंभीर तक्रारींच्या पार्श्वभूमीवर शासनाने तात्काळ निलंबित केले आहे. यासोबतच त्यांच्या कार्यकाळातील विविध बाबींची सखोल चौकशी करण्यासाठी विभागीय चौकशीचे आदेशही जारी करण्यात आले आहेत.
प्राप्त माहितीनुसार, डॉ. देशमुख यांच्या विरोधात आलेल्या तक्रारी गंभीर स्वरूपाच्या असून, त्यामध्ये प्रशासकीय अनियमितता आणि कामकाजातील त्रुटींचा समावेश असल्याचे सांगितले जात आहे. या पार्श्वभूमीवर शासनाने ही कठोर कारवाई करत निलंबनाचा निर्णय घेतला आहे.
या घटनेमुळे नांदेड जिल्ह्यातील आरोग्य विभागात मोठी खळबळ उडाली असून, प्रशासनातील जबाबदारी आणि पारदर्शकतेबाबत पुन्हा एकदा प्रश्न उपस्थित झाले आहेत.
दरम्यान, विभागीय चौकशी अहवालानंतर पुढील कारवाई निश्चित केली जाणार असल्याचे अधिकृत सूत्रांकडून कळते.
👉 या प्रकरणाकडे संपूर्ण जिल्ह्याचे लक्ष लागले असून, पुढील घडामोडींवर सर्वांचे लक्ष केंद्रीत झाले आहे.
वार्ताहार/प्रतिनिधी
