Gold Prices | अक्षय्य तृतीयेच्या तोंडावर सोन्याचे भाव कोसळले; जाणून घ्या आजचे दर

Gold Prices | अक्षय्य तृतीया अवघ्या एका दिवसावर येऊन ठेपली असताना ग्राहकांसाठी दिलासादायक बातमी समोर आली आहे. सोन्या-चांदीच्या दरात अचानक घट झाल्याने खरेदीदारांमध्ये उत्साह वाढला आहे. देशांतर्गत आणि आंतरराष्ट्रीय घडामोडींचा परिणाम बाजारावर दिसून येत असून सध्या दर नरमल्याचे चित्र आहे. (gold price today)

18 एप्रिलच्या सकाळी राजधानी दिल्ली (Delhi) येथे 24 कॅरेट सोन्याचा दर 10 ग्रॅममागे 1,54,340 रुपयांवर आला आहे. तर मुंबई (Mumbai) मध्ये याच सोन्याची किंमत 1,54,190 रुपये इतकी नोंदवली गेली. यापूर्वीच्या दिवशी दिल्ली सराफा बाजारात सोन्याच्या दरात 1,600 रुपयांची म्हणजेच सुमारे 1.01 टक्क्यांची घसरण होऊन दर 1,56,200 रुपयांवर पोहोचला होता. अक्षय्य तृतीयेच्या पार्श्वभूमीवर ही घट ग्राहकांसाठी महत्त्वाची मानली जात आहे.

देशातील इतर शहरांमध्येही जवळपास समान दर दिसून आले. कोलकाता (Kolkata) आणि मुंबईमध्ये 22 कॅरेट सोन्याची किंमत 1,41,340 रुपये असून 24 कॅरेटसाठी 1,54,190 रुपये मोजावे लागत आहेत. चेन्नई (Chennai) येथे दर सर्वाधिक असून 24 कॅरेटसाठी 1,55,010 रुपये आणि 22 कॅरेटसाठी 1,42,090 रुपये इतकी किंमत आहे. पुणे (Pune) आणि बंगळूरू (Bengaluru) येथे 24 कॅरेट सोनं 1,54,190 रुपये आणि 22 कॅरेट 1,41,340 रुपये प्रति 10 ग्रॅम दराने विकले जात आहे.

Gold Prices | जागतिक घडामोडींचा बाजारावर प्रभाव:

आंतरराष्ट्रीय स्तरावर सोन्याच्या किमतींमध्येही नरमाई दिसून येत आहे. स्पॉट गोल्डचा दर प्रति औंस 4,786.90 डॉलर इतका नोंदवला गेला आहे. जागतिक पातळीवरील तणाव काहीसा कमी होण्याच्या शक्यतेमुळे गुंतवणूकदार सावध भूमिका घेत असल्याचे चित्र आहे. इस्रायल (Israel) आणि लेबनॉन (Lebanon) यांच्यात 10 दिवसांच्या युद्धविरामावर सहमती झाल्याची माहिती समोर आली आहे, तर अमेरिका (United States) आणि इराण (Iran) यांच्यातील संबंध सुधारण्याच्या चर्चांमुळेही बाजारात स्थैर्य येण्याची अपेक्षा आहे.

सोन्यासोबतच चांदीच्या किमतीतही घट नोंदवली गेली आहे. 18 एप्रिल रोजी एक किलो चांदीचा दर 2,64,900 रुपयांवर आला असून याआधीच्या दिवशी तो 5,700 रुपयांनी घसरून 2,53,000 रुपयांवर गेला होता. आंतरराष्ट्रीय बाजारात स्पॉट सिल्व्हरचा दर प्रति औंस 79.28 डॉलर इतका आहे. या सर्व घडामोडींमुळे सणासुदीच्या काळात ग्राहकांना खरेदीची चांगली संधी उपलब्ध झाली आहे.