देवेंद्र फडणवीसांकडून मोदींच्या 25 वर्षांच्या सेवापूर्तीचे कौतुक:‘नरेंद्र मोदी म्हणजे एक विद्यापीठ’, विकसित भारताचा संकल्प पूर्ण होईल

[ads1]

पंतप्रधान नरेंद्र मोदी यांच्या सार्वजनिक आणि राजकीय जीवनातील सेवापूर्तीला 25 वर्षे पूर्ण झाल्याच्या निमित्ताने, नागपुरात ‘एक दिवा आशीर्वादाचा’ उपक्रम आयोजित करण्यात आला. केंद्र आणि राज्य सरकारच्या विविध योजनांचा लाभ घेतलेल्या सुमारे 500 लाभार्थ्यांनी या वेळी दिवा प्रज्वलित करून पंतप्रधान मोदी यांना शुभेच्छा दिल्या. या कार्यक्रमात मुख्यमंत्री देवेंद्र फडणवीस यांनी मोदी यांच्या नेतृत्वाचे कौतुक करत, ‘नरेंद्र मोदी म्हणजे एक विद्यापीठ आहे; त्यांच्या कामकाजातून आणि नेतृत्वातून सतत काहीतरी शिकता येते,’ असे म्हटले. फडणवीस म्हणाले की, नरेंद्र मोदी यांनी ‘हेड ऑफ द स्टेट’ म्हणून 25 वर्षांचा प्रवास पूर्ण केला आहे. हा प्रवास सेवा आणि विकासाशी जोडलेला आहे. त्यांच्या वाढदिवसानिमित्त तसेच या 25 वर्षांच्या सेवापूर्तीच्या निमित्ताने ‘एक दिवा आशीर्वादाचा’ हा उपक्रम राबविण्यात आला. सरकारी योजनांचा लाभ घेतलेल्या नागरिकांनी या कार्यक्रमात सहभागी होत पंतप्रधानांना शुभेच्छा दिल्या. ‘मोदींकडून सतत काहीतरी शिकता येते’ पंतप्रधान मोदी यांच्या नेतृत्वशैलीचा उल्लेख करताना फडणवीस यांनी त्यांची तुलना विद्यापीठाशी केली. नरेंद्र मोदी म्हणजे एक प्रकारची ‘युनिव्हर्सिटी’ असून, त्यांच्या कामकाजातून आणि नेतृत्वातून सतत काहीतरी शिकता येते, असे ते म्हणाले. देशातील विविध समाजघटक आणि क्षेत्रांशी मोदी यांनी व्यापक पातळीवर संपर्क निर्माण केला आहे. त्यांच्या काम करण्याच्या पद्धतीतून अनेक गोष्टी शिकण्यासारख्या असल्याचे फडणवीस यांनी सांगितले. ‘विकसित भारताचा संकल्प पूर्ण होईल’ मोदी यांच्या नेतृत्वाखाली भारताला विकसित राष्ट्र बनविण्याचा संकल्प लवकर पूर्ण होईल, असा विश्वासही फडणवीस यांनी व्यक्त केला. देशाच्या विकासासाठी विविध क्षेत्रांमध्ये सातत्याने प्रयत्न सुरू असल्याचे त्यांनी सांगितले. ‘एक दिवा आशीर्वादाचा’ या उपक्रमाच्या माध्यमातून विविध सरकारी योजनांचा लाभ घेतलेले नागरिक एकत्र आले. अशाच प्रकारचे कार्यक्रम राज्यातील आणि देशातील विविध भागांत होत असून, लाभार्थी पंतप्रधान नरेंद्र मोदी यांना शुभेच्छा आणि आशीर्वाद देत असल्याचेही फडणवीस यांनी सांगितले. हेही वाचा… दहावी-बारावी परीक्षांचे वेळापत्रक जाहीर:बारावीची परीक्षा 8 फेब्रुवारीपासून, तर दहावीची 15 फेब्रुवारीपासून महाराष्ट्र राज्य माध्यमिक व उच्च माध्यमिक शिक्षण मंडळाने फेब्रुवारी-मार्च 2027 मध्ये होणाऱ्या दहावी आणि बारावीच्या परीक्षांचे संभाव्य वेळापत्रक जाहीर केले आहे. त्यामुळे राज्यातील लाखो विद्यार्थ्यांच्या परीक्षेच्या तयारीला आता अधिक वेग येणार आहे. बारावीची लेखी परीक्षा 8 फेब्रुवारीपासून सुरू होणार असून 16 मार्चपर्यंत चालेल. त्यानंतर दहावीच्या लेखी परीक्षेला 15 फेब्रुवारीपासून सुरुवात होईल आणि 11 मार्चला परीक्षा संपणार आहे. सविस्तर वाचा..

[ads2]