भोकरदन तालुक्यात गेल्या काही वर्षात नैसर्गिक प्रसूतीपेक्षा सिझेरियनचे प्रमाण वाढले होते. मात्र, यावर उपाययोजना करून नॉर्मल प्रसूती करण्यासाठी जनजागृती व समुपदेशन करण्यात येत आहे. यामुळे गत ११ महिन्यांत ५१९ महिलांनी नॉर्मल बाळांना जन्म दिला तर केवळ २८ महिलेचे सिझेरियन करण्यात आले. पूर्वी अनेक गर्भवती महिलांची प्रसूती नैसर्गिकरित्या होत होती. मात्र, आता जीवन शैली बदल्यामुळे गर्भवती महिलांचे वाढते वय, मधुमेह, उच्च रक्तदाब, लठ्ठपणा तसेच गर्भातील बाळाशी संबंधित गुतागुंती यामुळे सिझेरियनच्या निर्णय घ्यावा लागत आहे. काही वेळा गरजेपेक्षा जास्त सिझेरियन होत असल्याची चर्चा आहे. प्रामुख्याने खासगी रुगणालयातच सिझेरीयन प्रसुतीचे प्रमाण अधिक आहे. दुसरीकडे ग्रामिण रुगणालयांमध्ये मात्र सिझेरीयन प्रसुती टाळून सामान्य प्रसुतीला प्राधान्य दिले जात आहे. त्यासाठी मातांचे समुपदेशन व आहारात बदल, जनजागृती केली जात आहे. त्याचे चांगले परिणाम आता दिसून येत आहे. शस्त्रक्रियेमुळे संसर्ग, रक्तस्राव, दीर्घकाळ वेदना तसेच पुढील गर्भधारणेत गुंतागुंत वाढण्याची शक्यता असते. त्यामुळे सिझेरियान हा पर्याय शेवटचा उपाय असे तज्ज्ञ सुचवतात. ^बदलती जीवनशैली हा सिझेरियन वाढण्यामागील मोठा घटक आहे. शरीरिक हालचालींचा अभाव देखील. डॉ. कृष्णा वानखेडे. ग्रामिण रुगणालयातील डॉक्टरांनी दिलेल्या माहितीनुसार, सिझेरियन प्रसुतीचा निर्णय अत्यंत काळजीपूर्वक घेतला जातो. बाळाच्या हृदयाचे ठोके कमी-जास्त होणे, गर्भाशय पुरेसे न उघडणे, बाळाची उलटी किंवा आडवी स्थिती, गर्भनाळ गळ्याभोवती अडकणे, जास्त रक्तस्रावाचा धोका, उच्च रक्तदाब, मधुमेह, आधी सिझेरियन झालेली प्रसूती, जुळी किंवा तिळे असल्यास सिझेरियन आवश्यक ठरते. नॉर्मल प्रसूती ही नैसर्गिक पद्धतीने होणारी प्रक्रिया असून त्यामध्ये आईच्या शरीरातील नैसर्गिक संप्रेरकांचा (हार्मोन्स) सकारात्मक प्रभाव बाळावर होतो. जीवनशैलीचा परिणाम सिझेरियनचा निर्णय अपवादात्मक परिस्थितीत
सिझेरियन ऐवजी नॉर्मल प्रसुतीला प्राधान्य:रक्तदाब यासारखे आजार गर्भवस्थेत गुंतागुंत निर्माण करतात
