परदेशातून वेगवेगळया गोष्टींची तस्करी करणारे रॅकेट सदैव सक्रिय असते. परंतु त्यावर निर्बंध आणण्यासाठी विमानतळावर कस्टम विभागाच्या माध्यमातून सातत्याने बारकाईने लक्ष्य ठेऊन कारवाई करण्यात येत असते. अशाचप्रकारे पुणे विमानतळावर कस्टम विभागाच्या गुप्तचर खा
.
याबाबत कस्टम विभागाने सांगितले की, एअर इंडिया एक्सप्रेसची फ्लाइट क्रमांक आयएक्स- 241 मधून एक प्रवासी पुणे आंतरराष्ट्रीय विमानतळावर आला. संशयितरित्या त्याच्या हालचाल दिसून आल्याने त्याचा सामानाची चेक इन करताना सखोल तपासणी करण्यात आली. त्यावेळी पारदर्शक पॅकटेस कार्बन पेपरने गुंडाळून पाच खेळण्यांच्या बॉक्समध्ये हायड्रोपोनिक गांजा मिळून आला. 5429 ग्रॅम त्याचे वजन असून त्याची आंतरराष्ट्रीय बाजारात किंमत 5.42 कोटी रुपये आहे.
याबाबत आरोपी प्रवाशाला विचारणा केली असता त्याने उडवाउडवीची उत्तरे देत सदर अंमली पदार्थ कसा आणला व कोणाला देणार होता याबाबत माहिती दिली नाही. त्यामुळे सदर प्रवाशा विरोधात नार्कोटिक ड्रग्ज अँड सायकोट्रॉपिक सबस्टन्स (एनडीपीएस) ॲक्ट 1985 अंर्तगत गुन्हा दाखल करुन त्यास अटक करण्यात आली आहे. त्याच्याकडे पुढील तपास पुणे कस्टम विभाग करत आहे. हायड्रोपोनिक गांजा हा गांजाचाच (कॅनॅबिस) एक प्रकार असून तो पारंपरिक पद्धतीने मातीमध्ये न पिकवता हायड्रोपोनिक्स तंत्रज्ञानाद्वारे म्हणजेच पाण्यात विरघळवलेल्या पोषक द्रव्यांच्या साहाय्याने नियंत्रित वातावरणात पिकवला जातो.
